Foto: Ashyq derekkóz
Endi oblystaǵy memlekettik mekemelerde jumys kúni tańǵy 08:00-de bastalyp, 17:30-da aıaqtalady. Túski úzilis 12:30-dan 14:00-ge deıin belgilengen.
Ákimdik ókilderi bul ózgeristiń QR Eńbek kodeksine sáıkes ekenin atap ótti. Jumys ýaqyty segiz saǵat bolyp qala beredi, al memlekettik mekemeler qalypty rejımde jumysyn jalǵastyrady.
Esterińizge sala keteıik, jaqynda Májilis depýtaty Asylbek Nuralın iri qalalardaǵy kólik júktemesine alańdaýshylyq bildirgen edi. Onyń aıtýynsha, Astana men basqa da megapolısterde kólik keptelisi, qoǵamdyq kólik qozǵalysynyń kidirisi jáne jol ınfraqurylymynyń shamadan tys júktemesi kún tártibinen túspeı otyr.
Sondyqtan depýtat memlekettik qyzmetkerler men ulttyq kompanııa qyzmetkerleri úshin jumys ýaqytyn erte bastaý týraly usynys aıtty. Bul bastama kólik keptelisin azaıtýǵa jáne megapolısterdiń tynys-tirshiligin jeńildetýge baǵyttalǵan.
