Foto: Energetıka mınıstrligi
Atalǵan baǵdarlama mańyzdy ınfraqurylymnyń tozýyn aıtarlyqtaı tómendetýge jáne mıllıondaǵan qazaqstandyqtardy jylý jáne elektr qýatymen turaqty qamtamasyz etýge baǵyttalǵan.
Aıta keteıik, Energetıka jáne kommýnaldyq sektorlardy jańǵyrtý jónindegi Ulttyq joba aıasyndaǵy irikteý nátıjelerin Energetıka mınıstrligi Elektr energetıkasyn damytý departamentiniń dırektory Asyljan Mýsın Power Central Asia + China aımaqtyq energetıkalyq forýmynda jarııalady.
Úkimet bekitken Ulttyq jobanyń negizgi maqsaty — energetıkalyq aktıvterdiń tozý deńgeıin 40%-ǵa deıin tómendetý arqyly búkil júıeniń senimdiligin arttyrý.
«Bul — árbir qazaqstandyq otbasynyń jaıly ómiri men qaýipsizdigine, kásiporyndarymyzdyń úzilissiz jumysyna jáne ekonomıkamyzdyń turaqty bolashaǵyna tikeleı ınvestısııa. Biz úzdik qarjy quraldaryn tartyp, otandyq óndirýshilerge basymdyq beremiz. Árbir jumsalǵan teńge Qazaqstannyń ıgiligine jumys isteýi tıis», dedi Asyljan Mýsın.
Birinshi jartyjyldyq aıasynda kelesi jobalar irikteldi:
- Elektr jelilerin jańǵyrtýǵa baǵyttalǵan 47 joba – 90 mlrd teńge;
- Jylýmen qamtamasyz etý júıelerin jańartýǵa arnalǵan 28 joba – 120 mlrd teńge.
Joba aıasynda ulttyq ekonomıkany qoldaýǵa erekshe nazar aýdarylǵan. Elektr energetıkasy salasyndaǵy jańa óndiristerdi jergiliktendirý jáne otandyq ónimderdi mindetti túrde paıdalaný jańa jumys oryndaryn qurýǵa jáne qazaqstandyq biliktilikti damytýǵa múmkindik beredi.
Energetıka mınıstrligi azamattardyń ómir súrý sapasyn arttyrý jáne eldiń energetıkalyq qaýipsizdigin nyǵaıtý maqsatynda strategııalyq mańyzy bar nysandardy júıeli túrde jańǵyrtýdy jalǵastyrady.
