Foto: Úkimettiń baspasóz qyzmeti
Týrızm jáne sport vıse-mınıstri Erjan Erkinbaevtyń málimetinshe, 2025 jyly salaǵa 1,3 trln teńge kóleminde ınvestısııa tartý josparlanyp otyr. Bul ótken jylmen salystyrǵanda 37%-ǵa kóp.
2024 jyldyń alǵashqy tórt aıynyń qorytyndysy boıynsha 215,6 mlrd teńge ınvestısııa tartylǵan jáne bul jospardyń 191%-y quraıdy.
«Salaǵa tartylatyn ınvestısııa kólemi ornalastyrý men tamaqtaný, óner, oıyn-saýyq pen demalys, kitaphana, murajaı, muraǵat, jerústi, áýe men sý kóligi, jalǵa berý, týroperator qyzmeti jáne basqa da qyzmet túrleri esebinen qalyptastyrylady. Investısııanyń negizgi aǵyny ekinshi jartyjyldyqta túsýi tıis», dedi Erjan Erkinbaev.
Mınıstrliktiń málimetinshe, 2025 jyly Kazakh Tourism ulttyq kompanııasymen birlesip, quny 991,3 mlrd teńgeden asatyn 320 joba pýly jasalǵan. Onyń ishinde 244,5 mlrd teńge mólsherindegi 11 iri joba júzege asyrylýǵa jaqyn.
Sonymen qatar Sý resýrstary jáne ırrıgasııa mınıstrliginiń málimetinshe, bıyl sý sharýashylyǵy ınfraqurylymy salasynda 358 joba júzege asyrylyp jatyr.
Aıta keteıik, bıyl atalǵan jobalarǵa 193 mlrd teńge qarastyrylǵan. Bul ótken jylmen salystyrǵanda 75%-ǵa kóp. Al iske asyrylatyn nysan sany 2,4 esege artqan (2024 jyly 110,5 mlrd teńge somasyndaǵy 151 jobaǵa qarjy berildi). Sondaı-aq úsh jańa sý qoımasynyń qurylysy bastalyp, eki sý qoımasy qaıta jóndeledi.
