Sharany uıymdastyrýshy — «Aqtóbe qalasynyń Mansap ortalyǵy» fılıaly.
Is-shara barysynda jumyssyz azamattarǵa jáne jumys tabýda qıyndyq kórip júrgen tulǵalarǵa arnalǵan arnaıy bos jumys oryndary jármeńkesi ótkizildi. Olardyń qatarynda túzeý mekemelerinen bosatylǵandar, probasııa qyzmetiniń esebinde turǵandar jáne alıment tóleýden jaltarýshylar bar.
Jármeńkege óńirdiń 10 iri mekemesi men kásiporny qatysyp, túrli baǵyttaǵy 89 bos jumys ornyn usyndy. Atap aıtqanda QR TJM Eset batyr Kókiuly atyndaǵy 20982 áskerı bólimi, Aqtóbe hrom qosyndylary zaýyty, Qazaqstan munaı jabdyqtary zaýyty, «Ramazan Elevator» JShS jáne ózge de óndiristik jáne kommersııalyq uıymdar qatysty.
Jármeńkede operator, frezershi, tokar, qytaı tili aýdarmashysy, baǵban, sapany baqylaý ınjeneri, smetalyq ınjener, júrgizýshi, slesar, júk tasýshy, aımaqtyq dırektor jáne taǵy basqa laýazymdar usynyldy.
Sondaı-aq jármeńke aıasynda Halyqty jumyspen qamtý ortalyǵynyń ókilderi jumyspen qamtýǵa járdemdesýdiń belsendi sharalary boıynsha aqparattyq-túsindirý jumysyn júrgizdi. Azamattar qysqa merzimdi kásiptik oqytý, memlekettik qaıtarymsyz grant alý, sondaı-aq elektrondy eńbek bırjasy www.enbek.kz portalyna tirkelý máseleleri boıynsha jan-jaqty keńes aldy.
Búginde atalǵan portalda Aqtóbe qalasy boıynsha 1067 bos jumys orny jarııalanǵan. Mundaı is-sharalar halyqty jumyspen qamtýǵa yntalandyrýǵa, áleýmettik osal toptardy qoldaýǵa jáne qoǵamda ónimdi eńbek mádenıetin nyǵaıtýǵa baǵyttalǵan.
