Fotolar: Qaraǵandy oblysy ákimdigi
«Eki aýylda da 200-den astam adam turady. Turǵyndarǵa qolaıly bolýy úshin ár úıge sý tartý jobasy ázirlendi. Oǵan magıstraldy jeliler tartý, sý aıdaıtyn munaraly sorǵy stansııalaryn ornatý kiredi», dedi qurylys bóliminiń bastyǵy Bahtııar Myrzalov.
Iаgodnyıda nysan maýsym aıynyń sońyna deıin aıaqtalady dep kútilip otyr. Al Sadovoeda ázirge jumystar jartylaı ǵana jasalǵan – 4,2 km sý qubyrynyń 1,7-si tóselip, 21 qudyq ornatylǵan. Jumysty tolyq aıaqtaý qyrkúıek aıyna josparlanǵan.
Aýyl turǵyndary ortalyqtandyrylǵan sý júıesiniń qosylýyn asyǵa kútip júr.
«Biz mundaı ózgeristerge óte qýanyshtymyz. О́zimizdiń sý qubyrymyz bolsa da, birese sorǵylar janyp ketip, birese basqa da aqaýlar paıda bolatyn. Endi úıge sý jelisi qosylsa tipten tamasha ǵoı», deıdi Sadovoe turǵyny Nına Pavlıýshenko.
Shaǵyn eldi mekenderde blokty-modýldi sý tazartý stansııalary ornatylady. Jon, Taszaımka, Voshod, Sýarmaly, Pahotnyı aýyldarynda jumystar júrgizilip jatyr. Uńǵymalar daıyn, stansııalar qurastyrylyp jatyr, jabdyqtar shilde aıynda jetkiziledi.
Osylaısha, Abaı aýdanynda halyqty sapaly aýyz sýmen qamtamasyz etý baǵdarlamasy tolyq aıaqtalady.
