Sondaı jannyń biri Sábıthan Baıtemirov. Ol úzdik hırýrg-transplantolog. Shymkent qalalyq №1 aýrýhananyń №3 hırýrgııa bólimshesiniń meńgerýshisi. Medısına salasynda eńbek etip kele jatqanyna 30 jylǵa jýyqtady. Osy aralyqta ol kóptegen baýyr-búırek almastyrý otalaryn jasady. Atap aıtqanda 30 jyldyq eńbek ótili barysynda 7 myńnan astam operasııa jasapty. 232 búırek, 32 baýyr transplantasııasy otalaryna qatysqan. Ol sondaı-aq baýyr, ót joldary, uıqy bezi nasharlaǵan naýqastardy hırýrgııalyq jolmen emdeıdi.
Sábıthan Turǵanulynyń qysqasha ómir jolyna toqtalsaq dáriger 1996 jyly Aqtóbe memlekettik medısına ınstıtýtyn bitirgen. Qalalyq №1 klınıkalyq aýrýhanasynda hırýrg mamandyǵy boıynsha 1998 jyly qyzmetke aralasty. 2015 jyldan beri osy aýrýhanada gepatopankreatobılıarlyq hırýrgııa jáne transplantologııa bólimshesiniń meńgerýshisi bolyp qyzmet atqarady.
S.Baıtemirov jaıynda áriptesteriniń aıtar jyly lebizi jeterlik. Shırek ǵasyrdan beri birge aralasatyn dosy ári áriptesi medısına ǵylymdarynyń kandıdaty, professor, №1 klınıkalyq aýrýhana janyndaǵy hırýrgııa kafedrasynyń meńgerýshisi Uljan Mýkanova Sábıthan Turǵanuly óz isiniń has sheberi, bilikti hırýrg, ómirde adal dos, kishipeıil jan ekenin aıtady. Qansha ýaqyt birge jumys isteıtin ol áriptesiniń kishi jáne orta medısınalyq qyzmekterlerge qatty daýys kótergenin kórmepti. Qashan kórseń sol bııazy qarapaıym qalpynda júredi.
«Sábıthanmen 25 jyl buryn №1 aýrýhanaǵa jumysqa birge keldik. Rezıdentýrany da birge oqyp bitirdik- dedi U.Mýkanova – Biraq men ǵylymǵa qaraı bet buryp kettim de ol hırýrg praktık bolyp óz jumysynda qaldy. Úsh jyldaı Túrkistan oblystyq klınıkalyq aýrýhanasynda jumys istep, qalǵan 27 jyldaı ýaqytynyń bárinde qalalyq №1 aýrýhanasynda taban aýdarmaı eńbek etip keledi. Sábıthan óte sypaıy jigit. Meniń dosym ári jasymyz shamalas áriptesim bolǵany úshin men ony Sábıthan dep óz atymen atap sóıleımin. 2013 jyly Ońtústik Koreıadan kelgen bilikti professor bizge transplantologııa otasy boıynsha tájirıbelik sabaq ótkizdi. Sol shákirtterdiń ishinde eń alǵyry, bilimdisi Sábıthan boldy. №1 arýhananyń burynǵy bas dárigeri Mádı Begalıev 2018 jyly transplantologııa bólimshesin ashady. Oǵan eń bilikti hırýrgtardan arnaıy brıgada qurady. Solardyń arasynda tizimniń eń basyna birinshi Sábıthandy qosty. Sóıtip tek tájirıbesi emes, jumsaq minezine bola bólimsheniń meńgerýshiligine Sábıthan laıyq dep tanyldy. Hırýrgııalyq operasııalardyń ishindegi eń kúrdelisi aýyry ol organ almastyrý. Mundaı jaǵdaıda naýqas ómir men ólimniń ortasynda arpalysyp jatady. Sondaı qıyn shaqta naýqasqa ekinshi ómir syılaý álbette ol birinshi Allanyń isi bolsa ekinshi osy Sábıthandaı «altyn qoldy» dárigerlerdiń arqasy. Transplantologııadan bólek bólimshege kún saıyn túrli aýrýmen naýqastar túsip jatady. Olarǵa shuǵyl operasııa jasaý kerek bolady. Sol sátte maman biliktiligi men tájirıbesiniń arqasynda naýqastarǵa jyldam ári sapaly ota jasap ómirlerin aman alyp qalady. Mehanıkalyq saryaýrýdyń saldarynan qandaǵy bılırýbıni 800-900-ge kóterilip ketken, baýyr serrozy asqynǵan nemese pankronekrozǵa ushyraǵan naýqastar aýyr jaǵdaıda bólimshege túsken kezde eń birinshi hırýrg dárigerler Sábıthannyń tájirıbesine arqa súıeıdi. Osynyń ózi onyń qanshalyqty bilikti dáriger ekenin ańǵartady.
S.Baıtemirovtiń qyzmettes áriptesi Erlan Dáýrenbekuly da bul kisi jaıynda jaqsy pikirler aıtty. Onyń qarapaıym minezin, adamgershiligin, adaldyǵyn joǵary baǵalaıtynyn jetkizdi. Al bilimi men tájirıbesi óz aldyna bólek áńgime. О́zinen kishi áriptester Sábıthan Turǵanulyn aǵa retinde de erekshe qurmettep syılaıtynyn sóz etti.
«Kúrdeli ota jasar aldynda mindetti túrde Sábıthan aǵamen aqyldasamyz. Ol kisi bizge árdaıym jol kórsetedi. Aqyl-keńes beredi. Sózinen janashyrlyǵy bilinip turady. Minezi jumsaq bolsa da jumysqa kelgende talapshyl. Aýrýhana tártibin saqtaýdy talap etedi. Sábıthan aǵa óte qoly jeńil dáriger hırýrg. Sonyń arqasynda naýqastar tez aıyǵyp tósekten turyp ketedi. Sondyqtan bolar pasıentter ony óte qatty jaqsy kóredi. Jalpy áriptes aǵamyz bilikti de tájirıbeli maman retinde Shymkent qala berdi ońtústik óńirine keńinen tanymal jan desek artyq aıtqandyq bolmas» dedi áriptesi jaıly ádemi oı tolǵaǵan Erlan Dáýrenbekuly.
Joǵaryda atap ótkenimizdeı Shymkent elimizdiń medısınalyq týrızm klasteri damyǵan óte myqty aımaq. Máselen ótken jyly megapolıske júzden asa adam em izdep kelgen. Olar О́zbekstan, Tájikstan, Mońǵolııa, Reseı azamattary. Tipti aralarynda sonaý Shveısarııadan kelgen jandar da bar. Naýqastardyń barlyǵy qajetti em-dom alyp, kúrdeli operasııalar jasatqan. Keselge shaldyqqan shetel azamattaryna medısınalyq kómek kórsetken bilikti dárigerler ishinde Sábıthan Baıtemirovteı aq halatty abzal jandar bolǵany shúbásiz.
Eńbek adamdy ósiredi. Qoǵamda eń qurmetke laıyq jandar óz isine adal, kásibiniń naǵyz shyńyna jetkender mamandar. Tipti qarapaıym mamandyq ıeleriniń ózi eger kásibiniń naǵyz sheberi bolsa árdaıym abyroı bıiginde júredi. О́z qyzmetin adal atqaratyn mundaı jandardy adamdar erekshe jaqsy kóredi jáne qashan da qyzmetine degen suranysy tómendemeıdi. Sondyqtan adal eńbekke, kásibı turǵydan bilikti bolýǵa umtylaıyq. Maqala keıipkeriniń ómir joly bizge osyny uqtyrǵandaı!
ShYMKENT
