Foto: IIM
Qosymshanyń basty betinde arnaıy «Zań men Tártip» túımesi arqyly habarlamany jedel joldaýǵa bolady.
«Qoǵamdyq tártipti buzý, turmystyq zorlyq-zombylyq, jol-kólik oqıǵasy nemese balaǵa tóngen qaýip sııaqty jaǵdaılar týraly dabyl birden polısııaǵa túsedi jáne polısııa qyzmetkerleri habarlama túsken sátten bastap áreket etedi. Osyndaı túımeler keıbir bank qosymshalaryna da ıntegrasııalanǵan, bul servısti keń aýdıtorııa úshin qoljetimdi etedi», delingen habarlamada.
Joba IIM júrgizip jatqan aýqymdy sıfrlandyrý prosesiniń bir bóligine aınaldy. Ol polısııa men azamattar arasyndaǵy ózara árekettestikti jeńildetý jáne jedeldetý, jedel áreket etý deńgeıin arttyrý jáne kómekti barynsha qoljetimdi etýdi maqsat etedi.
Aıta keteıik, servıs táýlik boıy jumys isteıdi, ótinishter búkil el aýmaǵynda qabyldanady.
