Foto: Úkimettiń baspasóz qyzmeti
Úkimet otyrysynda ekologııa jáne tabıǵı resýrstar mınıstri Erlan Nysanbaev atalǵan bastama azamattardyń tabıǵatqa degen qurmetin qalyptastyrýǵa jáne ekologııalyq máselelerdi sheshýge belsendi qatysýǵa baǵyttalǵanyn, ekologııalyq jaǵdaıdy jaqsartýǵa halyqtyń aıtarlyqtaı úles qosqanyn atap ótti.
573 is-shara ótkizilip, 189 myń tonnaǵa jýyq qaldyqtar jınalǵan, shamamen 735 myń gektar aýmaq tazartylyp, 2 mln-nan astam aǵash otyrǵyzyldy.
«Taza Qazaqstan» ekologııalyq mádenıetin damytý tujyrymdamasy qorshaǵan ortany qorǵaýdyń mańyzdylyǵyn túsinýge baǵyttalǵan. Bul bastama halyqty biriktirip qana qoımaı, jalpyulttyq aýqymdaǵy iske aınala otyryp, patrıottyq rýhty nyǵaıtty», dedi mınıstr.
