Búgin Tarıh jáne quqyq fakýltetiniń 350 bilim alýshysy ýnıversıtet qabyrǵasynan túlep ushyp, bakalavr dárejesin ıelenip otyr.
Saltanatty sharanyń shymyldyǵy ýnıversıtettiń akademııalyq qyzmet jónindegi prorektory Baný Narbekovanyń quttyqtaý sózimen ashyldy.
Saltanatty jıyn barysynda Ǵylym jáne joǵary bilim mınıstri Saıasat Nurbektiń ýnıversıtet túlekterine arnalǵan beınequttyqtaýy kórsetilip, bitirýshi túlekterge júrekjardy tilegi joldandy.
Sonymen qatar, oqý ozattary men qoǵamdyq jumystarǵa belsene aralasqan, ýnıversıtettiń ózin-ózi basqarý stýdenttik uıymnyń damýyna úles qosqan birqatar túlek ýnıversıtet rektorynyń Alǵys hatymen marapattaldy. Shara barysynda árbir túlekke rektor atynan Abaı Qunanbaevtyń «Qara sózder» jınaǵy estelik retinde tabys etildi.
Aıta ketsek, bıyl Abaı atyndaǵy Qazaq ulttyq pedagogıkalyq ýnıversıtetin 4 239 bolashaq maman támamdaıdy. Aldaǵy kúnderi Dene shynyqtyrý jáne bastapqy áskerı daıyndyq fakýlteti, О́ner fakýlteti, Matematıka, fızıka jáne ınformatıka fakýlteti, Jaratylystaný jáne geografııa fakýlteti, Pedagogıka jáne psıhologııa fakýlteti, Fılologııa fakýlteti men Sorbonna-Qazaqstan ınstıtýtynyń túlekterine arnalǵan dıplom tabystaý rásimderi ótetin bolady.
