«Hımfarm» AQ zaýytynda ótken tanystyrylym is-sharasyna Qazaqstannyń Densaýlyq saqtaý vıse-mınıstri Tımýr Muratov, Polpharma toby Baqylaý keńesiniń tóraǵasy Ejı Starak pen qala ákimi Ǵabıt Syzdyqbekov qatysty.
Mamandar Ortalyq Azııadaǵy tuńǵysh Eýropalyq odaqtyń tıisti óndiristik praktıka sertıfıkatyna (GMP) ıe bolýy úlken jetistik ekenin jetkizdi.
Kezdesýde taraptar bolashaq farmasevt mamandardy daıarlaý máselesine de erekshe nazar aýdardy. Osy oraıda Ońtústik Qazaqstan medısına akademııasynyń stýdentterine bilim berý granttary tabys etildi. Muny jaýapty ókilder kompanııa tarapynan bolǵan adamı kapıtal men salany strategııalyq turǵydan uzaq merzimdi damytý dep baǵalady.
О́z kezeginde shahar basshysy otandyq farmasevtıkany damytyp, ozyq tehnologııalar engizip, jumys oryndaryn qurǵan ınvestorlarǵa barsha jurttyń atynan alǵysyn bildirdi. Jıynda joǵary tehnologııalyq dári-dármek óndirisi densaýlyq saqtaý júıesin nyǵaıtyny, ımportqa táýeldilikti azaıtyp, qalanyń turaqty, básekege qabiletti ekonomıkasyn qalyptastyrýǵa yqpal etetini jóninde aıtyldy.
Jalpy «Hımfarm» AQ Qazaqstandaǵy eń iri dárilik zattar óndiretin kásiporyndar qataryna kiredi. О́z elimizde qoldanylatyn árbir besinshi dári Shymkenttiń farmasevtıkalyq zaýytynda shyǵarylady. Búgingi tańda kompanııada 1300-den astam adam turaqty eńbek etedi. «Hımfarm» jetken jetistiktiń biri beıindi joǵary oqý oryndarymen ózara áriptestik baılanys ornatqan. Sonyń nátıjesinde bilikti farmasevtıkalyq kadrlar daıarlaý isinde úlken ózgerister oryn aldy.
Shymkent
