S.Adambekova óz sózinde Memleket basshysynyń ıdeıasymen iske asyp jatqan «Halyq únine qulaq asatyn úkimet» tujyrymdamasy aıasynda jergilikti atqarýshy bılik, baqylaý-quzyrly organdar qarapaıym azamattar men kásipkerlerdiń aryz-shaǵym, usynys-tilekterin múmkindiginshe oryndap jatqanyn jetkizdi. Kásipkerler palatasyndaǵy qoǵamdyq qabyldaý da tujyrymdamany iske asyrýdyń bir baǵytynyń biri. Sondaı-aq S.Adambekova isker azamattar tek «ashyq esik kúni emes» jalpy kez kelgen ýaqytta palataǵa nemese quzyrly organdarǵa máselesi boıynsha júgine alatynyn málimdedi.
Ekonomıkalyq qylmysqa qarsy organ ókili Almas Manatuly elimizde «Zań men tártip» ulttyq bastamasy qolǵa alynǵanyn málimdedi. Osyǵan oraı megapolıste kásipkerlikti damytý, bıznes-ahýaldyń jaqsartý baǵytynda departament tarapynan atqarylyp jatqan jumystar jóninde baıandap berdi.
«Qoǵamdyq qabyldaýdyń negizgi maqsaty – bıznesti qorǵaý, sondaı-aq kásipkerlikti júrgizý barysynda týyndaǵan máselelerdi zerdelep, olardy sheshýge kómektesý. Departament isker azamattardyń bızneske baılanysty kez kelgen problemasyn tyńdaýǵa daıyn» dedi ol.
Qoǵamdyq qabyldaýda sóz alǵan «Janar-jaǵarmaı» qaýymdastyǵynyń tóraǵasy Qaıypbek Qambarov, «Erıstaıl-Qazaqstan» JShS dırektory Oırat Mamyrov sekildi mekeme jetekshileri kásipkerlik salasynda ashyqtyq, ádildik qaǵıdattaryn saqtaý jóninde ózderiniń usynys-pikirlerin ortaǵa saldy.
О́z kezeginde ekonomıkalyq tergep-tekserý departamenti mamandary qoǵamdyq qabyldaýda kóterilgen barlyq másele qaraýsyz qalmaıtynyn, tıisti oryndarǵa habardar etiletinin jetkizdi.
Shymkent
