Bir aı boıy jaýapty mekeme jastar arasynda esirtki, lýdomanııa, býllıng sekildi zııandy ádetterdiń aldyn alý boıynsha aqparattyq-túsindirý jumystaryn júrgizdi. Salamatty ómir saltyn nasıhattady. Osyndaı mańyzdy is-sharalar ishinde tanymdyq kezdesý, taqyryptyq trenıng, kórme, fleshmob men aksııalar uıymdastyryldy.
Jıynda Shymkent qalasy prokýrorynyń orynbasary Marlen Slambekov, Shymkent qalasy Polısııa departamenti bastyǵynyń orynbasary Ulyqbek Myltyqov jáne qalalyq Ishki saıasat jáne jastar isteri jónindegi basqarmasynyń basshysy Áıgerim Jumaǵulova sóz sóılep, jastar arasynda salamatty ómir saltyn ustanýdyń mańyzdylyǵyna toqtaldy. О́skeleń urpaqty densaýlyqqa zııan keltiretin áreketterden aýlaq bolýǵa shaqyrdy.
Sonymen qatar, aılyq sheńberinde belsendilik tanytqan eriktiler men jastar uıymdarynyń ókilderi arnaıy alǵys hattarmen, túrli júldelermen marapattaldy.
Sondaı-aq keshte Shymkent qalasynyń Bilim, Dene shynyqtyrý jáne sport, Jumyspen qamtý jáne áleýmettik qorǵaý basqarmalary, quqyq qorǵaý organdary kópshilik nazaryna taqyrypqa baılanysty tanymdyq aqparattar usyndy.
Shymkent
