Ortalyq mamandary pasıentterge - osy aýrýdan zardap shegetin azamattarǵa, ózge de kelýshilerge bul aýrýdyń ereksheligi jáne qoǵamda bul dertke shaldyqqan adamdardy qalypty qabyldaý, eń bastysy vıtılıgo juqpaly dert emestigi týraly túsindirip, keńester berdi. Bıyl shara tórtinshi ret uıymdastyrylyp otyr.
«Vıtılıgo bul aýtoımmýndy sıpattaǵy sozylmaly, qaıtalanatyn teri aýrýy. Denege aq nemes tússiz daq túrinde shyǵady. Áli tolyq zerttelmegen. Álem halqynyń 1-2% osy dertke shaldyqqan desek bolady. Vıtılıgo ólimge ákelmeıdi jáne eshqandaı zııan keltirmeıdi, alaıda keıde naýqas adamnyń jáne onyń otbasynyń áleýmettik ómirine keri áser etýi, aýyr psıhologııalyq zardaptarǵa ákelip soqtyrýy yqtımal. Biz sol úshin pasıenttermen bul turǵyda jumys istep, jıi túsindirýge tyrysamyz», - deıdi «Vıtılıgo jáne teri densaýlyǵy» ortalyǵynyń dırektory Anar Ábdirahmanova.
Aıta keteıik, jyl saıyn 25 maýsymda Dúnıejúzilik vıtılıgo kúni atap ótiledi. Ol kúnniń mindeti - bul aýrý týraly jurtshylyqtyń habardarlyǵyn arttyrý, pasıentterge aýrý sebebinen týyndaǵan alalaýshylyqty jeńýge kómektesý, vıtılıgony emdeýdiń zamanaýı ádisterine qol jetkizý. Álemde bul aýrýdan shamamen 100 mıllıon adam zardap shegedi.
