Foto: Sý resýrstary jáne ırrıgasııa mınıstrligi
Sala mınıstrliginiń málimetinshe atalǵan jumysshylarǵa jańa mindetter júktelip, olar kanaldar men gıdrotehnıkalyq qurylǵylardy jóndeýge qatysady, sý paıdalanýshylarmen jumys isteıdi, sý tasqyny men tótenshe jaǵdaılar kezinde kezekshilik atqarady, sondaı-aq gıdrotehnıkalyq nysandardy konservasııalaýmen aınalysady.
Sý resýrstary jáne ırrıgasııa mınıstri Nurjan Nurjigitovtiń aıtýynsha buryn maýsymdyq jumysshylar jylyna 6-8 aı ǵana jumys istese, endi barlyǵy turaqty jumyspen qamtylady.
«Mınıstrlik sý sharýashylyǵy mamandarynyń eńbek jaǵdaıyn jaqsartý sharalaryn qabyldap jatyr. Jańa tehnıka satyp alynyp jatyr, al qyrkúıek aıynda «Tabıǵı monopolııalar týraly» zańǵa ózgerister kúshine enedi. Osy ózgeristerge sáıkes, sý salasyndaǵy 25 000 qyzmetkerdiń jalaqysy orta eseppen 35-50% ósedi», dedi N.Nurjigitov.
