Foto: primeminister.kz
30 myń halqy bar Úshtóbe qalasyn ortalyqtandyrylǵan jylýmen qamtý «Jylytý ortalyǵy» JShS-nyń ortalyq qazandyǵy arqyly júzege asyrylady. Jylý jelileriniń jalpy uzyndyǵy – 15,3 shaqyrym.
2024 jyly qalanyń jylý júıesiniń qýatyn arttyrý úshin qýaty 12 Gkal/saǵat bolatyn blok-modýldi gaz qazandyǵy ornatyldy. Onyń tıimdi jumysyn qamtamasyz etý úshin uzyndyǵy 1,7 shaqyrym bolatyn, tozý deńgeıi 50%-ǵa jetken magıstraldyq jylý trassasyn jańǵyrtý qajettiligi týyndady.
Jobanyń quny 870 mln teńge, onyń 70%-y respýblıkalyq bıýdjetten jáne 30%-y jergilikti bıýdjetten qarjylandyrylady.
Búginde jumystardyń 76%-y aıaqtaldy. 1,7 shaqyrym jylý jelileriniń 1,3 shaqyrymy tartyldy. Osy jyldyń tamyz aıyna qaraı rekonstrýksııalaýdy tolyq aıaqtaý josparlanyp otyr.
Jobany júzege asyrý nátıjesinde Úshtóbe qalasynyń turǵyndary 349 abonent, onyń ishinde 282 turǵyn úı men 67 zańdy tulǵa úzdiksiz jylýmen jabdyqtaýǵa qol jetkize alady. Avarııalyq jaǵdaılar men tehnologııalyq buzýshylyqtardyń týyndaý qaýpi azaıady, ortalyqtandyrylǵan jylýmen jabdyqtaýdyń sapasy men senimdiligi artady.
Turaqty jáne sapaly jylýmen qamtamasyz etý ınfraqurylymdyq damýdyń mańyzdy elementi bolyp sanalady. Mundaı jobalardy júzege asyrý óńirlerde ómir súrý deńgeıin arttyrýǵa yqpal etedi.
