Kópir aýyl ishin ekige bólip, jaıaý júrginshilerdiń qaýipsizdigine qaýip tóndirip otyrǵany kóterildi. Turǵyndardyń aıtýynsha, aýyl ortasynan ótetin kúre jolda jaıaý júrginshilerge arnalǵan qaýipsiz ótkeldiń bolmaýy – jalpy halyq úshin úlken qater tóndirip otyr.
Atalǵan máselege baılanysty «QazAvtoJol» AQ Atyraý oblystyq fılıalynyń ókilderi men jol qurylysyn júzege asyrǵan «Todini» kompanııasynyń mamandary da qatysyp, halyqtyń talap-tilegin tyńdady.
«Todini» kompanııasynyń aýylǵa týnnel salyp beremiz degen ýádesin áli kúnge oryndamaǵanyna kezdesý barysynda turǵyndar narazylyq bildirdi.
«Jaıaý júrginshilerge arnalǵan týnnel nemese aspaly ótkel salý, jol belgileri men qaýipsizdik ınfraqurylymyn ornatý, sondaı-aq merdiger kompanııalardyń ýádelerin naqty merzimde oryndaýyn qadaǵalaý – jergilikti ǵana emes, respýblıkalyq deńgeıdegi mańyzdy másele. Bul baǵytta naqty jumystar atqarylady. Qoǵam tarapynan qoıylǵan oryndy talaptar nazardan tys qalmaıdy. Búgingi kezdesýde aıtylǵan usynystar men syn-eskertpelerdiń bári tıisti mınıstrlikter men mekemelerge joldanyp, naqty baqylaýǵa alynady», dedi depýtat Serik Erýbaev.
Májilis depýtat aýyl turǵyndarynyń belsendi azamattyq ustanymyna rızashylyǵyn bildirip, halyqtyń usynys-shaǵymdary óz jumysynda eskeriletinin jetkizdi.
S.Erýbaevtyń kelesi kezdesýi Qurmanǵazy aýdanynda jalǵasady.
