Foto: Sý resýrstary jáne ırrıgasııa mınıstrligi
Sondaı-aq mınıstr Saıram aýdanynyń dıqandaryn sýarmaly sýmen qamtamasyz etip otyrǵan Joǵarǵy Aqsý sý torabynyń jumysymen tanysty. Búginde sý torabynan sekýndyna 7 tekshe metr sý jiberilip jatyr. N.Nurjigitov Saıram aýdanynyń dıqandarymen jáne «Turan sý» mekemesiniń qyzmetkerlerimen kezdesti. Vedomstvo basshysynyń aıtýynsha Túrkistan oblysynyń dıqandaryn sýarmaly sýmen turaqty qamtamasyz etý úshin Báıdibek ata sý qoımasy salynyp jatyr.
«Nysan qoldanysqa berilgennen keıin Saıram aýdanynda sýarmaly sýmen qamtý máselesi tolyq sheshiledi. Degenmen sharýalar sý únemdeıtin júıelerge kóshýi kerek. Bul – zaman talaby. Elimizde sý únemdeý júıelerin satyp alý shyǵyny 80%-ǵa deıin óteledi. Uńǵyma qazý úshin de 80% sýbsıdııa qarastyrylǵan. Memleket tarapynan qoldaý bar, endi sony paıdalaný kerek», dedi mınıstr.
N.Nurjigitov sonymen qosa, «Saıram-sý» sý bógetine bardy. Nysan Saıram-sý ózeniniń aǵynyn rettep, oń jáne sol jaǵalaý magıstraldyq kanaldary arqyly 8 760 gektar jerdi sýarmaly sýmen qamtamasyz etip otyr jáne «Toǵyz» sý qoımasyna qosymsha sý jiberedi.
Sý resýrstary jáne ırrıgasııa mınıstrliginiń habarlaýynsha sondaı-aq mınıstr Túrkistan oblysynyń «Qazsýshar» fılıalyna jańa arnaıy tehnıkalardyń kiltterin tabystaý rásimine qatysty. Jalpy alǵanda, fılıal 69 tehnıka aldy, onyń ishinde ekskavator-tıegishter, shynjyr tabandy ekskavatorlar, tirkemeler, sý tasyǵyshtar, samosvaldar, avtokran, tartqysh, aspaly jabdyq, dızeldi generator jáne t.b. bar. Fılıalǵa jalpy sany 133 tehnıka bólindi, endi qalǵany jyl sońyna deıin jetkiziledi.
Esterińizge salaıyq, qazirgi ýaqytta «Qazsýshar» RMK fılıaldaryn búkil el boıynsha jańa jabdyqtarmen jaraqtandyrý jalǵasyp jatyr. Búginde kásiporyn fılıaldary josparlanǵan 757 arnaıy tehnıka men avtokóliktiń 439-yn alǵan.
