Joba aıasynda úzdik amerıkalyq hırýrgtar Darrın Hıýbert, Tomas Lı, Jazıra Irgebaı jáne Merılın Beıgen balalar men jas pasıentterge tegin jaq-bet rekonstrýksııalyq otasyn jasaıdy. AQSh-tyq sala úzdikterimen birlese júzege asyrylǵan joba el azamattarynyń tolyqqandy saý ómir súrýine taptyrmas múmkindik bolyp otyr.
Hırýrgtar toby Almaty qalalyq №5 klınıkalyq aýrýhanasynda emdelýshilerge tegin keńes berip, egjeı-tegjeı tekserýden ótkizip jatyr. Búginge deıin olardyń osy qyzmetine 50-den astam adam júgingen.
«Biz kún saıyn tańerteń eki ota jasaımyz, al tústen keıin oqý leksııalaryn ótkizemiz. О́tip jatqan otalardyń barlyǵy tikeleı efırde aýdıtorııaǵa kórsetiledi. Ota jasaý kezinde qandaı áreket jasap jatqanymyzdy túsindirip otyratyndyqtan, aýdıtorııada aýdarmashy jumys isteıdi. Basty maqsatymyz balalarǵa sapaly ota jasaý ári jergilikti dárigerlermen tájirıbe almasý. Praktıka barysynda alǵan daǵdylar olarǵa bolashaqta paıdasyn tıgizedi dep úmittenemiz», dedi AQSh Chippenham & Johnston-Willis medısınalyq ortalyǵynyń plastıkalyq hırýrgy jáne plastıkalyq hırýrgııa bóliminiń basshysy doktor Darrın Hıýbert.
Mańyzdy jobanyń júzege asýyna qoldaý kórsetken Soltústik Amerıkanyń qazaqstandyq mádenı-isker qaýymdastyǵynyń (KCBANA) dırektory Aınýr Rodjers ıgi bastama ary qaraı jalǵasatynyn atap ótti.
«Joba medısınalyq tájirıbe almasýdyń keshendi júıesin qurýǵa baǵyttalǵan. Bolashaqta biz qazaqstandyq jáne amerıkalyq dárigerler úshin taǵylymdamadan ótý baǵdarlamalaryn iske qosýdy, rezıdentýrany uıymdastyrýdy, Qazaqstandaǵy erekshe qajettilikteri bar balalar úshin mamandandyrylǵan kómek ala alatyn ortalyqtar ashýdy, sondaı-aq medısınalyq qural-jabdyqtardy jetkizý, shalǵaı aımaqtar men tabıǵı apattardan zardap shekken aýdandarǵa kómek jiberý, balalar úılerine qoldaý kórsetý men qaıyrymdylyq sharalaryn júıeli túrde uıymdastyrýdy josparlap otyrmyz», dedi ol.
Sheteldik hırýrgtar Almatyda 29 maýsym-6 shilde aralyǵynda bolyp, sapar barysynda 10 bala men jasóspirimniń aýrýynan aıyǵýyna atsalysady.
