Foto: Úkimet
Búginde janýarlar ál-aýqaty (animal welfare) standarttaryn saqtaý - tek etıkalyq talap emes, ekonomıkalyq qajettilik. Eurotier 2024 málimetterinde janýarlarǵa qolaıly jaǵdaı jasalǵan fermalarda ólim azaıyp, ónim sapasy artqan.
Mınıstr agrarlyq sektordy basqarýdyń tıimdiligin arttyrý maqsatynda mal sharýashylyǵy men veterınarııa boıynsha derekterdi biryńǵaı aqparattyq júıede shoǵyrlandyrýdy, jetildirilgen ferma qurylymyn usyndy.
«Mal sharýashylyǵynda smart-fermalar tujyrymdamasyn engizýge jáne úderisterdi avtomattandyrýǵa erekshe nazar aýdarylady. Jaılylyqty qamtamasyz etetin avtomattandyrylǵan: jeldetý, edendi jylytý, mýzyka oınatý, tasymaldaý kezinde stressti azaıtý júıeleri, janýarlardyń bıologııalyq minez-qulqyn eskeretin jetildirilgen ferma qurylymdary engizile bastady. Bul shara fermerlik sharýashylyqtardan bastap salalyq vedomstvolarǵa deıin barlyq deńgeıde úzdiksiz esep júrgizýdi, keshendi taldaýdy jáne jedel basqarýshylyq sheshimder qabyldaýdy qamtamasyz etedi», dedi Sıfrlyq damý, ınnovasııalar jáne aeroǵarysh ónerkásibi mınıstri.
Sonymen qatar, elimizde avtomattandyrylǵan saýý, azyqtandyrý, klımatty basqarý, beınebaqylaý júıeleri men janýarlardyń densaýlyǵyn baqylaýǵa arnalǵan datchıkter sııaqty robottandyrylǵan sheshimderdi belsendi damytý qolǵa alynady. Bul derekter biryńǵaı veterınarııalyq júıege túsip, tabynnyń sıfrlyq profılin qalyptastyrady.
