Foto: Úkimet, telegram
2024 jyly sý únemdeý saıasatyn odan ári iske asyrý jáne fermerlerdi sý únemdeý tehnologııalaryna kóshýge yntalandyrý úshin negiz qalanyp, ınfraqurylymdy júrgizý kezinde uńǵymalardy burǵylaýǵa, sondaı-aq sý únemdeý tehnologııalaryn satyp alýǵa jáne ornatýǵa fermerlerdiń shyǵyndaryn óteý úlesi 50%-dan 80%-ǵa deıin ulǵaıtyldy, tarıf qunyna baılanysty sýbsıdııalardyń saralanǵan mólsheri engizildi.
Úkimettiń baspasóz qyzmetiniń habarlaýynsha atalǵan jańa ózgeristerdi júzege asyrý nátıje kórsetti. 2024 jyly sýarý kezinde sý únemdeý tehnologııalary qoldanylatyn alqaptar 158 myń gektarǵa deıin ulǵaıdy: onyń ishinde 60 myń gektary jańbyrlatý júıelerin paıdalana otyryp sýarylsa, 40 myń gektary – tamshylatyp sýarý jáne 58 myń gektary lazerlik josparlaýshymen tegistelgen. Aýyl sharýashylyǵy mınıstrliginiń derekterine sáıkes, byltyrǵy jyldyń qorytyndysy boıynsha sý únemdeý tehnologııalary bar sýarmaly jerlerdiń jalpy aýdany 470,1 myń gektardy quraǵan.
Sonymen qatar 2030 jylǵa qaraı sý únemdeý tehnologııalaryn qoldana otyryp, sýarmaly jerlerdiń aýdanyn 1,3 mln gektarǵa deıin keńeıtý josparlanyp otyr.
