Baıqaý qorytyndysy boıynsha Qaraǵandy men Túrkistan oblystary jeńis tuǵyrynan kórindi.
Aıtys – halqymyzdyń rýhanı baılyǵy men mádenı murasynyń kórinisi. Bul dodaǵa eldiń túkpir-túkpirinen jınalǵan ónerpazdar qatysyp, óz aımaqtarynyń namysyn qorǵady. Qazylar alqasy aqyndardyń sýyryp salmalyq qabiletin, oı ushqyrlyǵyn, ulttyq qundylyqtardy jetkize bilý sheberligin eskere otyryp, komandalyq esep boıynsha jeńisti Qaraǵandy jáne Túrkistan oblystarynyń quramalaryna birdeı tabystaý týraly sheshim qabyldady.
– Bizdiń ónerpazdarymyzdyń «Mańǵystaý – túrki mádenıetiniń tóri» atty respýblıkalyq aıtysta qol jetkizgen jeńisimen quttyqtaımyn! Qaraǵandy oblysynyń quramasy bul aıtysta sóz saptaý sheberligimen, án, jyr, kúı ónerinen joǵary deńgeıden kórine bildi. Bul jetistik óskeleń urpaqty mádenı muramyzdy saqtaýǵa jáne qurmetteýge yntalandyratyny sózsiz, – dedi oblys ákimi Ermaǵanbet Bólekpaev óziniń áleýmettik jelidegi paraqshasyndaǵy quttyqtaýynda.
Qaraǵandy oblysy
