Foto: JI
Jobanyń ınfraqurylymyn damytýǵa oblystyq bıýdjetten 1,2 mlrd teńge bólindi. Qarajat shopandarǵa turǵyn úı salý, mal ustaýǵa arnalǵan qora-jaılar turǵyzý, sýmen jáne elektr energııasymen qamtamasyz etýge baǵyttalǵan. Sondaı-aq jobada maldy bordaqylaý, soıý sehy, bıe sútin óńdeý, vakýýmdalǵan et ónimderin shyǵarý sııaqty tolyq óndiristik sıkl kózdelgen. Jobany júzege asyrýǵa oblystyń alty aýyldyq okrýgi, 100-ge jýyq ýaqytsha jáne 22 turaqty jumysshy, 34 sharýa qojalyǵy jáne eki aýyl sharýashylyǵy óndiristik kooperatıvi qatysady.
Negizgi maqsaty — óńirde ashylyp jatqan bordaqylaý alańdaryn malmen turaqty toltyryp, azyq-túlikpen qamtamasyz etýge septigin tıgizý. Ishki naryqta berik jemshóp qoryn qalyptastyrý, qoı basy sanyn ósirip, ımport táýeldiliginiń azaıýyna yqpal etip, iri jáne usaq sharýalardy biriktirý arqyly básekege qabiletti orta qalyptastyrý.
Atalǵan jobalar mal sharýashylyǵy salasynyń damýyna, mal basy sanynyń artýyna jáne ony óńdeýge arnalǵan kásiporyndardy shıkizatpen qamtamasyz etýge septigin tıgizedi.
Ulytaý oblysy
