Qaskeleńdegi halyqaralyq deńgeıdegi bilim
New York Film Academy (NYFA) – kıno, anımasııa, geım-dızaın syndy salalar boıynsha álemdik deńgeıdegi kásibı mamandar daıarlaıtyn jetekshi oqý oryndarynyń biri. Bıyl osy akademııanyń Qazaqstandaǵy resmı fılıaly – NYFA Kazakhstan óz jumysyn bastady. Ol Kaskelen qalasynda, Energo University janyndaǵy Dala.edge kreatıvti tehnologııalar parkiniń negizinde ornalasqan.
Bul – Azııa qurlyǵyndaǵy NYFA-nyń alǵashqy ári jalǵyz kampýsy. Oqý ornynyń ashylýy bıylǵy 1 naýryzda Nıý-Iork kınoakademııasynyń prezıdenti Maıkl Iаngtiń qatysýymen ótken onlaın rásimde resmı bekitildi.
Granttyq baǵdarlama kimderge arnalǵan?
Jańa oqý jyly qarsańynda Dala.edge parki men NYFA Kazakhstan jas talanttar úshin arnaıy granttyq baǵdarlama jarııalady. Atalǵan konkýrsqa kreatıvti ındýstrııaǵa qyzyǵýshylyq tanytqan, óz múmkindigin synap kórgisi keletin jastar qatysa alady. Bul baǵdarlama shyǵarmashyl jandarǵa álemdik deńgeıdegi bilimdi el ishinde alýǵa jaǵdaı jasap otyr.
Granttar eki baǵyt boıynsha berilmek:
-
3D-anımasııa jáne vızýaldy effektiler (3D Animation and VFX);
-
Geım-dızaın (Game Design).
Baǵdarlama aıasynda tolyq (100%) jáne jartylaı (50%) granttar usynylady. Jeńimpazdar bir jyl boıy atalǵan baǵyttar boıynsha bilim alýǵa múmkindik alady.
Konkýrsqa qatysý úshin úmitkerler 1 tamyz 2025 jylǵa deıin kaz.nyfa.edu resmı saıty arqyly ótinish berip, ózderiniń shyǵarmashylyq jumystaryn usynýy tıis. О́tinish qaldyrǵan árbir talapker avtomatty túrde granttyq baıqaýǵa qatysýshy retinde tirkeledi.
Aıta ketý kerek, oqytý baǵdarlamalaryn tájirıbeli amerıkalyq oqytýshylar júrgizedi. Al sońynda beriletin halyqaralyq úlgidegi sertıfıkat NYFA-nyń Nıý-Iork jáne Los-Andjeles qalalaryndaǵy kampýstarynda tabystalatyn qujattarmen teń dárejede tanylady. Bul – kásibı mansapty álemdik arenada jalǵastyrýǵa jol ashatyn resmı qujat.
Grant ıegerleri oqý baǵdarlamasynan tys, Dala.edge ekojúıesiniń tolyqqandy múshesi atanady. Bul degenimiz – kreatıvti jobalarǵa qarjylaı qoldaý, tehnıkalyq bazaǵa (stýdııa, jabdyq, sıfrlyq quraldar) qoljetimdilik, kásibı mentorlyq jáne salalyq qaýymdastyqpen baılanys múmkindigi beriledi.
Mundaı ıntegrasııa jas mamandardyń tek bilim alýymen shektelmeı, birden shyǵarmashylyq ındýstrııanyń óndiristik úderisine aralasýyna jol ashady. Bul – Qazaqstandaǵy kreatıvti ekonomıkanyń damýyna serpin beretin naqty qadam.
Elimizdegi NYFA fılıalynyń ashylýy men granttyq baǵdarlamanyń iske qosylýy – tek bilim berý salasy úshin emes, eldegi kreatıvti ekonomıkanyń qalyptasýyna da mańyzdy oqıǵa. Jańa tolqyn – jańa ındýstrııanyń qozǵaýshy kúshine aınalýy tıis. Osy turǵydan alǵanda, NYFA Kazakhstan usynyp otyrǵan baǵdarlama – álemdik tájirıbe men jergilikti talanttyń túıisý núktesi.
