«Ońtústik Jaryq Tranzıt» JShS málimetine sáıkes, elektrmen jabdyqtaý júıesi búgingi tańda megapolıste qalypty rejımde jumys istep jatyr. Qazirgi tańda qala aýmaǵynda elektr qýatynyń berilýinde eshqandaı aýytqýlar nemese jospardan tys shekteýler joq. Qalaǵa beriletin jaryqtyń kólemi men sapasy burynǵy kúıinshe dedi elektr energııasyn taratýshy mekeme mamandary.
Degenmen qalanyń energetıka salasyna jaýapty ókilder keıbir shaǵynaýdandar men kóshelerde josparly tehnıkalyq qyzmet kórsetý jumystary júrgizilýi múmkin ekenin joqqa shyǵarmady. Mundaı jaǵdaıda tutynýshylarǵa aldyn ala habar beriletinin jetkizdi.
Jaryq berýshi mekemeniń jaýapty tulǵalary elektr energııasyna qatysty qandaı da bir aqaýlar nemese úzilister týyndaǵan jaǵdaıda, turǵyndardan «Ońtústik Jaryq Tranzıt» JShS-niń resmı baılanys ortalyǵyna habarlasýlary qajettigin eske salady. Olar árbir ótinish dıspetcherlik qyzmet tarapynan jedel qaralyp, tıisti sharalar qabyldanatynyn málimdedi.
Osyǵan baılanysty qala bıligi turǵyndarǵa tek resmı derekkózderge súıenip, beıresmı jáne rastalmaǵan aqparattarǵa senbeý kerektigin eskertedi.
Shymkent
