Foto :Senat
Senator Olga Býlavkına Shyǵys Qazaqstan oblysyndaǵy Altaı jáne Katonqaraǵaı aýdandarynda salynyp jatqan nysandardyń sapasy men memlekettik baǵdarlamalar aıasyndaǵy qarjylandyrý máselesine zer saldy. Ol Úlken Naryn aýylynda qurylysy aıaqtalmaǵan dene shynyqtyrý-saýyqtyrý kesheninde boldy. Munda jumys 2021 jyly bastalǵan. Alaıda qazir qurylys jumystary tolyǵymen toqtap tur. Jumystyń jalpy kólemniń tek 35 paıyzy ǵana oryndalǵan.
Sondaı-aq senator osy jerde salynyp jatqan jańa mýzyka mektebine de at basyn burdy. Qurylys barysymen tanysqan soń ol mektepti ýaqtyly aıaqtaý jáne zamanaýı jabdyqtarmen qamtamasyz etý qajettigin aıtty.
Depýtat Polıanskoe aýylyndaǵy sút fermasynda bolyp, «Altaı Hamır» jańa týrıstik bazasynyń qurylys alańyn da aralady. Joba «Aýyl amanaty» baǵdarlamasymen júzege asyp jatyr. Keleshekte nysan turǵyndardyń otbasylyq demalys ornyna aınalýǵa tıis.
«Árbir memlekettik baǵdarlama qaǵaz júzinde qalmaı, naqty iske asýy kerek. Qurylystar merziminde aıaqtalyp, mektepter balalarǵa esigin aıqara ashýǵa tıis. Aýyldaǵy bıznesti órkendetýge de múmkindik bar. Mundaı jobalar – óńirde bolashaqtyń negizi», dep atap ótti O.Býlavkına.
Senatorlar Nurlan Beknazarov pen Aıgúl Qapbarova da Shymkent qalasyndaǵy Abaı aýdanynyń turǵyndarymen kezdesýde halyqtyń ómir súrý sapasyn arttyrý, azamattardyń quqyǵyn qorǵaý jáne sot tóreligi júıesin jetildirýde zańda oryn alǵan ózgeristerdi aıtyp berdi. Al megapolıs turǵyndaryn qalalyq ınfraqurylym, áleýmettik nysandar qurylysy, kommýnaldyq qyzmet, abattandyrý, bıznesti damytý, bilim berý jáne densaýlyq saqtaý máseleleri tolǵandyrdy.
Depýtattar jeńil ónerkásip jáne qyzmet kórsetý kolledjinde de boldy.
«2025 jyl – jumysshy mamandyqtary jyly. Tehnıkalyq jáne kásiptik bilim júıesin reformalaý qajettigine baılanysty biz ony jańǵyrtý jónindegi zań jobasyna bastamashy boldyq. Onda oqý úderisin sıfrlandyrý, kolledjderdiń derbestigin keńeıtý, bilim baǵdarlamalaryn jańartý jáne teorııany óndiristegi praktıkamen ushtastyra otyryp, dýaldy oqytýdy damytý kózdelgen», dedi A.Qapbarova.
Al depýtattar Arman О́teǵulov pen Lázzat Rysbekova Oral qalasynda sý sharýashylyǵyn damytý máseleleri boıynsha keńeıtilgen keńes ótkizdi. Sýarý ınfraqurylymynyń jaı-kúıi, sý tapshylyǵy, sý resýrstaryn basqarýdyń zamanaýı tásilderin engizý, sý sharýashylyǵy nysandaryn qarjylandyrý jáne jańǵyrtý máselelerin talqylaǵan senatorlar agrarlyq sektordy sýmen turaqty qamtamasyz etý júıeli tásildi, mekemearalyq ózara is-qımyldy jáne zańnamalyq deńgeıde qoldaýdy talap etetinin atap ótti.
«Sýmen jabdyqtaý qazir óńirlerdiń basty problemasy bolyp otyr. Sondyqtan memlekettik baǵdarlamalardy ázirleý kezinde aýyl sharýashylyǵy óndirýshileriniń pikirin tyńdap, eskerý qajet», dedi L.Rysbekova.
Álibek Náýtıev Atyraý oblysyndaǵy densaýlyq saqtaý salasynyń jaı-kúıimen tanysty. Senator sapary Atyraý oblystyq perınataldyq ortalyqtan bastaldy. Onda ortalyq qyzmetkerleri mamandarmen qamtamasyz etý, tehnıkalyq jaraqtandyrý sekildi máselelerdi qozǵady, senator kórsetiletin perınataldyq kómektiń sapasyna nazar saldy. Ol salynyp jatqan qalalyq emhana kesheni men onyń fılıalynda da boldy.
Qazir oblys ortalyǵynda qosalqy úsh stansasy bar jedel medısınalyq járdem stansasy, onkodıspanser janyndaǵy radıologııalyq korpýstyń qurylysy bastalǵan. Sondaı-aq Almaly jáne Bereke aýyldarynda ambýlatorııalar salynyp jatyr. Keleshekte strategııalyq mańyzy bar nysandardy – kópsalaly balalar stasıonaryn, oblystyq jańa perınataldyq ortalyq pen ońaltý ortalyǵyn salý da josparlanǵan.
