Mınıstrliktiń málimetinshe, Qazaqstannyń Ispanııadaǵy elshisi Danat Musaev Servantes ınstıtýtynyń dırektory Lýıs Garsııa Monteromen kezdesý ótkizdi. Taraptar bilim, mádenıet jáne til almasý salalaryndaǵy ekijaqty yntymaqtastyqty keńeıtý máselelerin talqylady.
Kezdesý barysynda qazaq jáne ıspan tilderindegi alǵashqy sózdikti ázirleý týraly bastama kóterildi. Bul jobanyń iske asýy eki el arasyndaǵy mádenı qarym-qatynastar men akademııalyq dıalogty tereńdetýge múmkindik beredi.
Sondaı-aq taraptar mádenı-gýmanıtarlyq salada naqty birlesken jobalardy iske asyrýǵa daıyn ekenderin málimdedi.
Aıta keteıik, ıspan tili – álem boıynsha eń kóp taralǵan tilderdiń biri. Qazirgi ýaqytta shamamen 600 mln adam ıspan tilinde sóıleıdi, onyń 470 mıllıony ana tili retinde qoldanýshylar. Til 21 elde resmı mártebege ıe.
Al Qazaqstanda ıspan tili keńinen oqytylmaıdy. Orta mektepter men joǵary oqý oryndarynda negizinen aǵylshyn, fransýz jáne nemis tilderi oqytylady. Osy rette qazaq-ıspan sózdigi men oqý quraldarynyń bolmaýy aıqyn seziledi.
