Foto:Kollajdy jasaǵan Záýresh SMAǴUL, «EQ»
Mınıstrdiń aıtýynsha, esepti jyly azamattar men uıymdar úshin taý-ken salasynda 15 memlekettik qyzmet qoljetimdi bolǵan, olardyń 14-i onlaın formatta kórsetilgen. Jalpy bir jyl ishinde 979 myń qyzmet kórsetilse, onyń 919 myńy elektrondy túrde júzege asqan. Bul kórsetkish barlyq qyzmetterdiń 87,6%-yn quraıdy.
Suranysqa ıe memlekettik qyzmet túrleri kelesideı:
- Taý-ken jáne hımııalyq óndiristerdi paıdalaný jónindegi qyzmetti júzege asyrýǵa lısenzııa berý — 462 qyzmet;
- Eýrazııalyq ekonomıkalyq odaqtyń kedendik aýmaǵynda nemese odan tys jerlerde taýarlardy qaıta óńdeý sharttary týraly qujat berý — 437 qyzmet;
- Geologııalyq jáne (nemese) taý-ken bólimderin berý jáne qaıta resimdeý — 55 qyzmet.
Sonymen qatar Jaslan Mádıev taý-ken salasyndaǵy bıznes-úderisterdi reınjınırıngteý boıynsha jumystar júrgizilip jatqanyn atap ótti. Bul sharalar memlekettik basqarýdy sıfrlyq transformasııalaý aıasynda júzege asyrylyp jatyr.
Mınıstr reınjınırıng mysaly retinde geologııalyq jáne taý-ken bólimderin berý jáne qaıta resimdeý úderisin keltirdi. Buryn bul rásimder qaǵaz túrindegi ótinishter, elektrondyq poshta nemese e-Otinish júıesi arqyly júrgizilip, derekter qolmen tekseriletin. Bul qaraý merzimin uzartyp, qatelikter qaýpin arttyratyn.
Aıta keteıik, qazir bul úderis tolyǵymen avtomattandyrylǵan. О́tinishter jer qoınaýyn paıdalanýdyń biryńǵaı onlaın platformasy — minerals.e-qazyna.kz arqyly qabyldanady. Platformada shekteýlerdi avtomatty túrde tekseretin júıe men jer qoınaýyn paıdalanýdyń ınteraktıvti kartasy iske qosylǵan.
«Bul kezeńderdiń sanyn 45%-ǵa qysqartty jáne bıznes rólderiniń sanyn 35%-ǵa azaıtý arqyly ákimshilik júktemeni tómendetti. Úderistiń tıimdiligi, ashyqtyǵy men yńǵaılylyǵy artty, adamı faktordyń áseri azaıdy. Sonymen qatar, yńǵaıly onlaın úderistiń arqasynda paıdalanýshylar tarapynan senim nyǵaıdy», dedi mınıstr Jaslan Mádıev.
