Foto: Úkimettiń baspasóz qyzmeti
О́nerkásip jáne qurylys mınıstrligine iri taý-ken kásiporyndarymen birlese otyryp, joǵary qosylǵan quny bar ónimder óndirisin damytý boıynsha keshendi sharalar josparyn jasaý tapsyryldy. Bul rette júıe quraýshy kásiporyndar aınalasynda shaǵyn jáne orta bıznesti damytýǵa baǵyttalǵan qadamdar da qamtylýy tıis.
Sonymen qatar, «Samuryq-Qazyna» qorymen birlese otyryp, sırek jáne asa mańyzdy metaldar negizinde tehnologııalyq turǵydan jańashyl ónim shyǵaratyn jobalarǵa basymdyq berý kerektigi aıtyldy. Bul bastama salanyń ósý áleýetin arttyrýǵa jáne jańa tehnologııalyq quzyretter qalyptastyrýǵa sep bolmaq.
Premer-mınıstr óndiris qaldyqtary men metaldardy qaıta óńdeý baǵytynda da sharalar ázirleýdi tapsyrdy. Bul tuıyq sıkldi ekonomıka qurý jolyndaǵy mańyzdy qadam.
Ǵylym jáne joǵary bilim mınıstrligine О́nerkásip mınıstrligimen birlese otyryp, bir aı ishinde taý-ken kesheni úshin kadr daıarlaý baǵdarlamasyn jasap shyǵarý mindetteldi.
