Foto: Ashyq derekkóz
Úkimettiń baspasóz qyzmetiniń málimdeýinshe, birinshi baǵdarlama turýǵa yqtııarhatty tolyǵymen onlaın-formatta alýǵa múmkindik beredi. Buǵan deıin bul úshin elimizge óz aıaǵymen kelýi, JSN men elektrondyq sıfrlyq qoltańba alýy jáne kirisin rastaýy talap etiletin. Búginde bul prosess tolyqtaı qashyqtan júzege asatyn boldy. О́tinish berý astanahub.com jáne egov.kz saıttary arqyly júzege asyrylady. JSN men ESQ-ny sheteldik mekemeler arqyly da rásimdeýge bolady, kiristi rastaý endi talap etilmeıdi. Bul sheteldik IT-mamandardyń kirýin jáne zańdastyrý máselelerin aıtarlyqtaı jeńildetti.
Al, ekinshi baǵdarlama – sıfrlyq kóshpelilerge arnalǵan mamandandyrylǵan vıza. Baǵdarlama Qazaqstanda óz mamandyǵy boıynsha 1 jyl merzimde jumys isteýge jáne elde ári qaraı turýǵa yhtııarhat alýǵa múmkindik beredi. Ol onlaın rásimdeledi jáne el aýmaǵynda alǵash ret sıfrlyq kóshpelilerdiń eńbek qyzmetin zańdastyryp otyr.
Búginde baǵdarlamaǵa qatysýǵa 204 ótinim túsken eken. Aljır men Botsvan azamattaryna alǵashqy 2 vıza berilgen. «Bul baǵdarlamalar – sıfrlyq talanttardy tartýǵa baǵyttalǵan zamanaýı jáne tehnologııalyq kóshi-qon saıasatyn qalyptastyrý jolyndaǵy mańyzdy qadam», dedi sala mınıstri J. Mádıev.
