Foto: 9emhana.kz
A.Álnazarovanyń aıtýynsha mınıstrlik emhanalardyń qyzmetterin jetildirý boıynsha byltyr jumys bastaǵan, sala mınıstrliginiń biraz buıryqtaryna ózgerister engizildi, standarttar ózgertildi. Onyń ishinde em alýshylar baǵdaryn barynshy ońtaılandyrý boıynsha sharalar qabyldandy.
«Sonymen qatar ózdiginen qabyldaýǵa jazylý máselesi byltyrdan bastap bizdiń baqylaýymyzǵa alyndy. Onyń ishinde elektrondy qosymshalar arqyly jazylý 4 paıyzdan aspaıtyn. Búginde 70 paıyzdan asty. Sondaı-aq hronıkalyq dıspanserlik esepte turatyn naýqastardy dárigerge barýdan buryn medbıke tolyǵymen tekserip, barlyq analızderimen jiberedi. Jáne de aýrýhanalarǵa jatý úshin analızderdiń sanyn azaıttyq. Halyqaralyq standarttarǵa súıenip berilgen analızderdiń jaramdylyq merzimin uzarttyq. Atalǵan standarttardyń jergilikti jerlerde jumys isteýi áli de kúrdeli bolyp otyr. Sondyqtan bıyldan bastap biz 20 óńirge monıtorıngtik top jiberdik. Bul tek tekserý emes, jumysty júıeli uıymdastyrýǵa múmkindik beredi», dedi mınıstr.
