Foto: gov.kz
Fıdjıtal fýtbol — vırtýaldy oıyn men shynaıy fýtboldy biriktiretin jańa format. Komandalar aldymen kompıýterlik fýtbolda kúsh synasyp, keıin dál sol eseppen alańǵa shyǵyp, naqty match ótkizdi.
Eki kúnge sozylǵan jarysqa 8 komanda qatysty. Qorytyndy boıynsha UEL Team jeńimpaz atanyp, 2025 jyly Abý-Dabıde ótetin Bolashaq oıyndaryna qatysýǵa joldama aldy.
UEL Team jattyqtyrýshysy Arman Pırmanovtyń aıtýynsha, qarsylastar óte myqty bolǵan. «Bul – úlken jaýapkershilik. Fınaldyq týrnırde 1 mıllıon dollar kóleminde júlde sarapqa salynady. Biz endi sol oıynǵa tyńǵylyqty daıyndalamyz», dedi UEL Team jattyqtyrýshysy.
Aıta keteıik, 25–26 shilde kúnderi elordada fıdjıtal basketboldan da irikteý týrnıri ótedi. Kirý – tegin. Jarys saǵat 10:00-de bastalady.
