Bul týraly elordalyq Polısııa departamenti málimdedi.
Áleýmettik jelide taraǵan vıdeoda tártip saqshylary bir áıeldi konsert ótip jatqan aýmaqtan kóterip alyp ketip bara jatqany kórinedi. Keıinirek jelide bul áıel Pavlodar oblystyq Polısııa departamenti bastyǵynyń orynbasarynyń jary ekeni týraly aqparat tarady.
Astana qalalyq PD bul jaıtqa qatysty resmı túsinikteme berdi.
- "Astana Arenada” ótken konsert barysynda qoǵamdyq tártipti buzǵan áıelge qatysty oqıǵa tirkeldi. Qaqtyǵystyń ýshyǵýyna jol bermeý maqsatynda polısııa qyzmetkerleri ony is-shara aýmaǵynan alyp shyqty. Tekserý nátıjesinde qylmystyq is qozǵaldy, — delingen habarlamada.
Vedomstvo ókilderiniń aıtýynsha, atalǵan azamatsha ishki ister organy qyzmetkeriniń jubaıy bolǵanymen, bul onyń áreketine quqyqtyq baǵa berýge esh áser etpeıdi.
- Kerisinshe, mundaı jaǵdaıda qoǵam aldyndaǵy jeke jaýapkershilik kúsheıe túsedi. Zań aldynda barsha azamat teń, quqyq qorǵaý organdary qyzmetkeriniń otbasyna jatatyny qandaı da bir artyqshylyq bermeıdi, — dep atap ótti.
