Oqıǵa 28 shilde kúni bolǵan. Áıeldiń aıtýynsha, tárbıeshi oǵan qońyraý shalyp, qyzynyń baspaldaqtan taıyp qulap ketkenin aıtqan.
«Maǵan balamnyń basy aýyryp turǵanyn aıtyp, dárigerge kórsetý kerek dedi. Joldasym birinshi bolyp bardy, men keıinirek jettim. Barǵanymyzda janjal shyqty, biraq túsinikteme berýdiń ornyna qyzmetkerler aqtalyp, sóz talastyra bastady», deıdi anasy.
Onyń aıtýynsha, ata-analar beınebaqylaý kamerasyndaǵy jazbalardy kórsetýin suraǵanda, olarǵa «kameralar óshirilgen, monıtor istemeıdi» dep jaýap bergen. Osy sátte qyz bala ózin jaısyz sezine bastaǵan. Ata-anasy dereý jedel járdem shaqyrǵan. Aýrýhanada rentgen men KT jasalyp, bastyń súıekteri bútin ekeni anyqtalǵan, biraq dárigerler jabyq bas-mı jaraqatyn jáne mı shaıqalýyn dıagnoz retinde qoıǵan. Keıinirek eki qolynda da synyqtar anyqtalǵan.
«Men aýrýhanada ótinish jazdym. Biz nege beınebaqylaý kameralary jumys istemeı turǵanyn jáne barlyq bolǵan oqıǵaǵa kim jaýap beretinin týraly túsinikteme talap etemiz», deıdi anasy.
Polısııa atalǵan derek boıynsha QR Qylmystyq kodeksiniń 140-baby 2-bóligi «Balalardyń ómiri men densaýlyǵy qaýipsizdigin qamtamasyz etý jónindegi mindetterdi tıisinshe oryndamaý» boıynsha qylmystyq is tirkelip, tergeý júrgizilip jatqanyn málimdedi.
