Foto: Aýyl sharýashylyǵy mınıstrligi
Maqsat – organıkalyq ónim óndirý men óńdeýge ınnovasııalar engizý, sondaı-aq agrarlyq-ónerkásiptik keshen (AО́K) salasynda tehnoparkter men ınjınırıngtik ortalyqtar jelisin qalyptastyrý.
Aýyl sharýashylyǵy mınıstrliginiń málimetinshe, tehnopark quramyna Seifullin University bazasynda ornalasatyn ǵylymı-tehnologııalyq blok kiredi. Onda bıznes-ınkýbator, bilim taratý ortalyǵy, zerthanalar jáne kommersııalandyrý keńsesi jumys isteıtin bolady. Organıkalyq eginshilik pen óńdeý boıynsha óndiristik alań Baraev atyndaǵy ǴО́O bazasynda qurylady. Egin sharýashylyǵy salasyndaǵy organıkalyq ónimderdi sertıfıkattaý baǵytynda Latvııanyń Prıekýle qalasyndaǵy Eýropalyq sertıfıkattaý jáne synaq ortalyǵymen birlesip jumys júrgizilip jatyr. Dándi daqyldardy organıkalyq ónimderge – jarma, tańǵy qurǵaq as jáne mal azyǵy túrinde óńdeıtin jabdyqty montajdaý jumystary aıaqtalýǵa jaqyn.
Organıkalyq mal sharýashylyǵy men mal azyǵy óndirisi boıynsha ınjınırıngtik ortalyq «Soltústik Qazaqstan aýyl sharýashylyǵy tájirıbe stansııasy» JShS bazasynda ornalasady. Munda «aqyldy» organıkalyq fermalardy basqarýǵa arnalǵan sıfrlyq platforma ázirlengen. Ol óndiris pen óńdeýdiń barlyq kezeńin esepke alyp, organıkalyq ónimderdiń alqaptan dúken sóresine deıingi búkil jolyn qadaǵalaýǵa múmkindik beredi.
Atalǵan joba zamanaýı ári turaqty aýyl sharýashylyǵyn damytýǵa, eldiń eksporttyq áleýetin arttyrýǵa jáne ekologııalyq taza óndiristi damytý úshin jaǵdaı jasaýǵa yqpal etpek.
