Shymkentte tabıǵı gazdyń shyǵý qaýpin qashyqtyqtan anyqtatyn zerthana ashyldy. Ol lazerlik tehnologııalarmen jabdyqtalǵan. Sonyń kómegimen aýaǵa taralǵan gazdy lezde baıqap, tótenshe jaǵdaıdan aldyn alýǵa bolady. Zerthananyń jumysymen tipti qala ákimi Ǵabıt Syzdyqbekov arnaıy baryp tanysty. Eń bastysy bul zerthanaǵa tótenshe jaǵdaı qyzmetiniń jáne ákimdik janyndaǵy kommýnaldyq sharýashylyqqa jaýapty sala mamandary qýanyshty. Sebebi eldi mekenderdi gazdandyrýda qaýipsizdik sharalaryn saqtaýdyń mańyzy zor. Bul rette zamanaýı DLS-AVTO («Pergam») mobıldi zerthanasy utymdy sheshim retinde qaralyp otyr.
Sarapshylar sıpattap bergendeı zerthana júıesiniń negizgi artyqshylyǵy 60 metrge deıingi qashyqtyqta metan gazyn dál anyqtaıdy. Jáne jer asty gaz shyǵý qaýpin alys qashyqtyqtan boljap beredi. Sondyqtan tótenshe jaǵdaılar kezinde jedel áreket etýge onyń kómegi zor bop tur.
Aıta ketý kerek gazdyń shyǵýyn qashyqtyqtan anyqtaıtyn ozyq júıeni respýblıkada alǵashqylardyń biri bolyp Shymkent qalasy ákimdigi iske qosyp otyr. Bul megapolıstiń ınjenerlik júıelerdi damytýdaǵy jáne qaýipsizdik sharalaryn qamtamasyz etýdegi mańyzdy qadamy bolyp sanalady.
