Qaraǵandy tehnıkalyq-qurylys kolledji — óńirdiń jetekshi oqý oryndarynyń biri — eńbek naryǵynda suranysqa ıe mamandyqtardy meńgerýge múmkindik beredi.
Munda stýdentter 15 baǵyt boıynsha daıyndalady: sáýlet, qurylys, dánekerleý isi, landshafttyq jáne ónerkásiptik dızaın, aqparattyq qaýipsizdik, jıhaz óndirisi jáne taǵy basqa.
Kolledjdiń sheberhanalary men zerthanalary zamanaýı jabdyqtarmen jabdyqtalǵan, bul stýdentterge joǵary dáldiktegi dánekerleý, BIM jobalaý jáne basqa praktıkalyq jumystardy meńgerýge múmkindik beredi.
— Búginde stýdentterimiz kásibı bilim alyp, bolashaqqa senimdi qadam jasaı alady. Bizdiń túlekterdiń 80–85%-y oqý bitirgen soń birden jumysqa ornalasady. Jumysshy mamandyqtarǵa degen qyzyǵýshylyq artyp keledi, sol arqyly kolledjdiń mártebesi de ósýde, — deıdi kolledj dırektory Ásel Saparova. — Tek bıyl memlekettik tapsyrys boıynsha 390 stýdent qabyldandy, bul ótken jylmen salystyrǵanda 50 adamǵa kóp. Bul sapaly tehnıkalyq bilimge suranystyń artqanyn kórsetedi.
Kolledj óńirde ınklıýzıvtik bilim berýdi alǵash engizgen oqý oryndarynyń biri. Erekshe bilim berý qajettilikteri bar stýdentter úshin beıimdelgen baǵdarlamalar, pedagogıkalyq qoldaý jáne qolaıly oqý ortasy jasalǵan.
Qazirgi tańda kolledjde 82 stýdent erekshe bilim berý baǵdarlamalary boıynsha oqıdy. Jumysshy mamandyqtar jyly aıasynda kolledj «Dala Skills» sııaqty iri kásibı konkýrstar men is-sharalar ótkizdi, oǵan erekshe bilim berý qajettilikteri bar stýdentter de qatysty.
Kolledj dýaldi bilim berýdi belsendi damytyp, oblystyń jetekshi kásiporyndarymen yntymaqtastyq ornatqan. Oqý óndiristik ortaǵa jaqyn jaǵdaıda júrgiziledi: birinshi kýrs stýdentterinen bastap zamanaýı jabdyqtarmen jumys isteý tájirıbesin alady. Bul olarǵa tek teorııalyq bilim emes, óndiriste praktıkalyq daǵdylardy jetildirýge múmkindik beredi. Kolledjdiń seriktesteri qatarynda «SentrEnergoMehanızasııa», Prof Invest, «Barýsan Makına Qazaqstan», Alina Group, «JAKKO Karaganda», «Santehplast» jáne óńirdiń basqa jetekshi kásiporyndary bar.
Stýdentter men túlekterdiń jetistik tarıhy alǵan sapaly bilimniń aıqyn dáleli. Mysaly, kolledj túlegi Asanáli Batyrshın óz isin bastap, qazir 25 adamnan turatyn brıgadany basqarady, ishki árleý jumystaryn oryndap, memlekettik tapsyrystardy júzege asyrady.
— Kolledj maǵan kásibı baza men senimdilik berdi. Búgin men tek qurylysshy ǵana emes, óz jeke bıznesim bar kásipkermin, — deıdi Asanáli.
Qaraǵandy tehnıkalyq-qurylys kolledji sáýletshilerge, dánekerleýshilerge, qurylysshylarǵa, dızaınerlerge, elektromontajshylarǵa kásibı jol ashyp, al ári qaraıǵy kásibı tabys túlektiń óz talpynysy men eńbekqorlyǵyna baılanysty bolatynyn kórsetedi
