Ata zań • 15 Tamyz, 2025

Merekelik aksııa aıasynda 2000 adamǵa tegin zańgerlik keńes berildi

270 ret

kórsetildi

1 mın

oqý úshin

QR Konstıtýsııasynyń 30 jyldyǵyna oraı, elimizdiń barlyq óńirlerinde notarıattyq palatalarmen jáne advokattar alqalarymen birlese otyryp ádilet organdarynyń uıymdastyrýymen «Árbir azamatqa zańdyq kómek!», «Tegin zań kómegin kórsetý boıynsha ashyq esik kúni» atty keń aýqymdy respýblıkalyq aksııalar ótkizildi, dep habarlaıdy Egemen.kz.

Shyńǵys MUQAEV

Merekelik aksııa aıasynda 2000 adamǵa tegin zańgerlik keńes berildi

Foto: el.kz

Atalǵan is-sharalardyń maqsaty – azamattardyń bilikti zań kómegin alý jónindegi konstıtýsııalyq quqyqtaryn iske asyrý jáne quqyqtyq kómektiń qoǵamnyń barlyq toptary úshin qoljetimdiligin qamtamasyz etý,

Aksııalar aıasynda 2000-ǵa jýyq azamat zań keńesin alý úshin júgindi. Negizgi máseleler mura rásimdeý, otbasylyq jáne eńbek daýlary, alaıaqtyq, alıment óndirý, notarıattyq áreketter jáne múliktik quqyqtardy qorǵaý taqyryptaryna qatysty boldy.

Quqyqtyq keńes berý jumystaryn ádilet organdarynyń ókilderi, tájirıbeli advokattar men zańgerler, notarıýstar jáne sot oryndaýshylary júrgizdi.

Is-sharalar barysynda azamattar ózderin tolǵandyrǵan quqyqtyq suraqtar boıynsha bilikti zań kómegin, jaýaptar men usynystar aldy.

Mundaı aksııalar naqty máselelerdi sheshýge ǵana emes, jalpy qoǵamnyń quqyqtyq mádenıetin arttyrýǵa da yqpal etedi.