Aımaqtar • 22 Tamyz, 2025

Shymkentte jańa saıabaq ashyldy

420 ret

kórsetildi

1 mın

oqý úshin

Jańa saıabaq «Turan-2» shaǵynaýdanynda ornalasqan. Jalpy aýdany 2,7 gektardy quraıtyn saıabaq demeýshiler esebinen salynǵan. Parkte jaıaý júrginshiler joly, velojolaq, sýburqaq, balalar men sport alańshalary jáne avtoturaq qarastyrylǵan. Sonymen qatar 1,8 gektar aýmaqty qamtıtyn kógal tóselip, túrli qylqanjapyraqty jáne japyraqty aǵash kóshetteri otyrǵyzyldy, dep habarlaıdy Egemen.kz.

Ánýar JUMAShBAEV

Saıabaq aýmaǵy tolyqtaı jaryq shamdarmen qamtylǵan. Qala ákimdigi shaharda saıabaqtar sanyn kóbeıtýdi josparlap otyr. Ol qalany ınfraqurylymdyq damytýdyń negizgi baǵyty bolyp sanalady. Qalany kórkeıtý jumystaryna jaýapty mamandar turǵyndarǵa jaıly ómir qalyptastyrý baǵytyndaǵy ister jalǵasa beretinin jetkizdi.

Sonymen birge búgingi tańda Shymkentte dendrosaıabaqty qaıta qurý jumystary júrip jatyr. Saıabaqty qalpyna keltirý bıznestiń áleýmettik jaýapkershiligi aıasynda kezeń-kezeńmen iske asyrylatyn bolady. Birinshi kezeńde aýmaqty abattandyrý, zamanaýı sporttyq jáne oıyn alańdaryn ornatý qarastyrylǵan.

Qazirgi tańda dendrosaıabaqta pandýsy bar ınklıýzıvti oıyn alańy, tórt vorkaýt alańy, sándik arkalar men pergolalar, balalarǵa arnalǵan oıyn aımaqtary jáne demalýǵa arnalǵan oryndyqtar ornatyldy. Josparlanǵan barlyq kezeńder aıaqtalǵan soń, bul aýmaq qala turǵyndary men qonaqtary úshin yńǵaıly ári zamanaýı demalys ornyna aınalmaq.

Shymkent