Forýmǵa elimizdegi HR salasyndaǵy jetekshi mamandar men bıznes-kóshbasshylar, Qazaqstandyq taraptyń shaqyrýymen Ázirbaıjan, Armenııa, Grýzııa, Qyrǵyzstan jáne О́zbekstan elderinen memlekettik organdar ókilderi qatysyp, onda jahandyq sıfrlandyrý jáne ınnovasııalardy engizý jaǵdaıynda memlekettik qyzmette personaldy basqarý máseleleri talqylandy.
Darhan Jazyqbaı sharaǵa qatysýshylarǵa jeke qurylymdar jáne memlekettik organdardyń HR-qyzmetteri arasyndaǵy áriptestikti nyǵaıtý, ásirese munyń Memleket basshysynyń memlekettik qyzmetke jeke sektordan bilikti kadrlardy ashyq, kedergisiz qabyldaý týraly tapsyrmalaryn oryndaý aıasyndaǵy mańyzdylyǵy jaıly aıtty.
«Osyǵan baılanysty biz merıtokratııa qaǵıdatyn jetekshilikke ala otyryp jeke qurylymdardyń joǵary bilikti mamandary úshin memlekettik qyzmette mindetti eńbek ótili bolýyn talap etetin kedergilerdi zań júzinde alyp tastadyq», dep atap ótti Agenttik tóraǵasy.
Onyń aıtýynsha, qazirgi ýaqytta osy jańashyldyqtyń arqasynda «B» korpýsynyń basshylyq laýazymdaryna 806 taǵaıyndaý kelisilip, jeke sektordyń mamandary ortalyq jáne jergilikti atqarýshy organdarda departament dırektorlary men basqarma basshylary laýazymdaryna ornalasty.
Sondaı-aq kelisimsharttyq qyzmetshiler ınstıtýty engizilip, qazirdiń ózinde 30 salalyq sarapshy basym memlekettik jobalarmen jumys istep jatyr.
«Mundaı ekijaqty kelisimde jumys jasaý memlekettik qyzmetke jańa serpin beredi», dedi Darhan Jazyqbaı.
Memleket basshysynyń tapsyrmasyna sáıkes memlekettik basqarýdyń servıstik, adamǵa baǵdarlanǵan modelin qalyptastyrý memlekettik apparattyń basty mindetteriniń biri bolyp sanalady.
«Memlekettik organdar men jeke qurylymdardyń HR-qyzmetterin adamı kapıtaldy damytý, personaldyń turaqtylyǵyn qamtamasyz etý, qyzmetkerlerdiń óz qabiletin tıimdi paıdalanýy úshin qolaıly jaǵdaılar jasaý syndy ortaq mindetter biriktiredi. Bolashaq adamdarmen jumys jasaı alatyn adamdardyń qolynda. Adamdar, olardyń bilimi, kásibıligi, bastamashylyǵy, adaldyǵy, jaýapkershiligi – Qazaqstannyń basty strategııalyq resýrsy. Memleket basshysynyń jańa HR saıasaty osy ustanymǵa negizdelgen» dedi Agenttik tóraǵasy.
Sondaı-aq ol forým qatysýshylaryna Prezıdenttiń bastamasymen iske asyrylyp jatqan talantty jastar úshin tıimdi áleýmettik lıft sanalatyn Qazaqstannyń aýqymdy HR jobasy Prezıdenttik jastar kadrlyq rezervi týraly aıtty.
Jobany qolǵa alǵannan bastap rezervke 400 adam qabyldanyp, olardyń 80% - dan astamy ártúrli salalardaǵy orta jáne joǵary basshylyq laýazymdarǵa taǵaıyndaldy.
Sonymen qatar, Darhan Jazyqbaı «E-Qyzmet» jáne «Biryńǵaı kadr júıesi» portaldarynyń jumysyna da toqtaldy. Bul aqparattyq júıeler memlekettik qyzmetke irikteýdiń ashyqtyǵyn, kandıdattardy tańdaý barysynda adamı faktordy boldyrmaýdy qamtamasyz etedi, sondaı-aq belgili bir uıymdaǵy úlestestikti jáne múddeler qaqtyǵysyn anyqtaýǵa kómektesedi.
Onlaın irikteý júıesi memlekettik qyzmetke kirýge úmitkerler men táýelsiz sarapshylar tarapynan oń pikirlerge ıe boldy.
Forýmnyń arnaıy sessııasynda jahandyq sıfrlandyrý jáne ınnovasııalardy engizý jaǵdaıynda memlekettik qyzmettegi personaldy basqarý máseleleri talqylandy.
Aıta keteıik, Human Capital forum – Qazaqstan HR-menedjerler qaýymdastyǵy uıymdastyrǵan túrli salalardyń sarapshylaryn biriktiretin, tıimdi kórsetkishterge qol jetkizý úshin personaldy basqarýdy transformasııalaýdy kózdeıtin alań.
