Qalalyq JITS ortalyǵy bas dárigeriniń mindetin atqarýshy Q.Mashırovtyń aıtýynsha AITV–ınfeksııasyn erte anyqtaý naýqastyń ózi úshin de mańyzdy. О́ıtkeni ol antıretrovırýstyq (ARV) preparattary qabyldaýdy ýaqytyly bastaýǵa múmkindik beredi. Sonymen qatar vırýstyń basqa adamdarǵa berilýin toqtatýǵa kómektesedi. AITV-ǵa jyldam testiler – skrınıngtik dıagnostıkadaǵy naǵyz jetistik.
«AITV-ǵa ekspress-testter – bul qanda, qan sarysýy men plazmada, silekeıde vırýsqa antıdenelerdiń bolýyn anyqtaıtyn arnaıy test júıeler. Eger standartty zerthanalyq zertteýler nátıjelerin 2-3 kún kútý qajet bolsa, - ekspress ádister bar bolǵany 15-20 mınýt ishinde adamnyń AITV statýsyn bilýge múmkindik beredi. Olardy medısınalyq uıymdarda da, ózin-ózi dıagnostıkalaý úshin úıde de jasaýǵa bolady» dedi Q.Mashırov.
Jalpy elimizde AITV-men kúresý jol kartasynda 95-95-95 strategııasy qabyldanǵan. Iаǵnı 2030 jylǵy qaraı, AITV-men ómir súretin adamdardyń 95% óz statýsyn bilýi tıis. Osy maqsatqa jetý úshin halyqtyń negizgi top ókilderine AITV-ǵa testileýden ótý qoljetimdiligin odan ári arttyrý jáne ózin-ózi testileýdi keńeıtý qajettigin atap ótti maman.
Sondaı-aq bul ádis jastarǵa, ártúrli sebeptermen, sonyń ishinde kemsitýden uıalyp, medısınalyq uıymdarǵa barýdan bas tartyp júrgen adamdarǵa, ómir saltynyń erekshelikterine baılanysty AITV ınfeksııasyn juqtyrýdyń joǵary qaýpine ushyraǵan halyq toptaryna óte qolaıly. Qazirgi tańda JITS ortalyǵynyń mamandary ózin-ózi testileýdi AITV–men ómir súretin adamdardyń jubaılaryna da usynyp jatyr.
ShYMKENT
