Jumys sapary aıasynda mınıstr kardıohırýrg, bilikti maman Iýrıı Pıamen kezdesip, atalǵan professordan júrekterine ashyq ota jasaǵan naýqastardyń qazirgi jaǵdaıyn bildi. Mınıstr bul otanyń óńirdegi densaýlyq saqtaý salasyndaǵy úlken jetistik ekendigin atap ótti. Aralaý jumystary barysynda mınıstr Aqmaral Álnazarova bilikti kadrlardy tartýdy, onyń ishinde onkolog mamandaryn shaqyrý jumystaryn kúsheıtý qajettigin atap ótti.
Jumys sapary aıasynda Ulytaý oblysynyń densaýlyq saqtaý júıesine qatysty keńes ótip, Ulytaý oblysy ákimdigi, QR Densaýlyq saqtaý mınıstrligi jáne «Qazaqmys» korporasııasy arasynda 2026-2029 jyldarǵa arnalǵan óńirlik baǵdarlamany ázirleýge baǵyttalǵan úshjaqty memorandýmǵa qol qoıyldy. Qujat medısınalyq uıymdardy bilikti kadrlarmen qamtamasyz etý, densaýlyq saqtaý ınfraqurylymyn jetildirý, salany sıfrlandyrý, medısınalyq tehnıkamen jabdyqtaý deńgeıin arttyrýdy kózdeıdi.
Ulytaýǵa jumys saparynyń ekinshi kúni Densaýlyq saqtaý mınıstri Aqmaral Álnazarova óńirdiń medısınalyq jurtshylyǵymen kezdesti.
Vedomstvo basshysy densaýlyq saqtaý salasyndaǵy zańnamadaǵy negizgi ózgerister týraly aıtty. Ol medısınalyq kómektiń biryńǵaı paketin engizýge, MÁMS sheńberinde tegin medısınalyq kómek pen qyzmetterdiń kepildik berilgen kólemin usynýdyń jańa tásilderine tolyǵyraq toqtaldy. Medısınalyq kómektiń sapasyn baqylaý bóliginde mınıstr bıylǵy 15 qyrkúıekten bastap Medısınalyq jáne farmasevtıkalyq baqylaý komıtetine qadaǵalaý fýnksııalary beriletinin, bul kórsetiletin qyzmetterdiń qaýipsizdigin baqylaýdy kúsheıtýge múmkindik beretinin eske saldy.
О́ńirde onkologııalyq qyzmetti damytý máselelerine erekshe nazar aýdaryldy. Mınıstr erte dıagnostıka, pasıentterdi ýaqtyly jiberý jáne joǵary tehnologııalyq kómektiń qoljetimdiligin qamtamasyz etý onkologııalyq aýrýlarmen kúreste negizgi faktor bolyp tabylatynyn atap ótti. Medısına qyzmetkerleri kadr tapshylyǵy, medısınalyq kómekti uıymdastyrý jáne ınfraqurylymnyń jaı-kúıi taqyryptaryn kóterdi. Sondaı-aq, medısına qyzmetkerleriniń kásibı jaýapkershiligin saqtandyrý tetigi qyzyǵýshylyq týdyrdy, ol pasıentterdiń quqyqtaryn qorǵaýdy qamtamasyz etýi, dárigerler úshin zańdy qaýipterdi tómendetýi jáne daýly jaǵdaılardy sheshýge kómektesýi kerek.
Keńes qorytyndysy boıynsha mınıstr óńirde arnaıy jumys tobynyń qurylǵany týraly habarlady. «Kelesi aptadan bastap Densaýlyq saqtaý mınıstrliginiń arnaıy jumys toby jumys isteı bastaıdy. Onyń mindeti – aǵymdaǵy jaǵdaıǵa egjeı-tegjeıli taldaý júrgizý, ınfraqurylymnyń jaı-kúıin baǵalaý, júıelik problemalardy anyqtaý jáne medısınalyq kómektiń sapasyn jaqsartý boıynsha naqty sharalar ázirleý», dep túıindedi mınıstr.
Sapar sońynda mınıstr Ulytaý oblysynyń turǵyndarymen kezdesip, azamattardy jeke suraqtary boıynsha qabyldady. Sondaı-aq jergilikti BAQ úshin brıfıng ótkizilip, óńirdiń densaýlyq saqtaý salasyn damytýǵa baǵyttalǵan jumystar týraly málimet berildi.
Ulytaý oblysy
