Foto: Ashyq derekkóz
О́ńirlik Ekologııa mınıstrliginiń habarlaýynsha, táýlik basynda respýblıkada jalpy kólemi 8 402 gektarǵa jetken 24 orman órti tirkelgen. О́rt oshaqtary Verhoıansk, Gornyı, Jıgansk, Kobıaı, Lensk, Mırnınsk, Olekmınsk, Olenek, Sýntar, Srednekolymsk, Tattın, Ýst-Aldan jáne Chýrapcha aýdandarynda ornalasqan. Olardy sóndirýge 520 adam men 24 tehnıka jumyldyrylǵan.
Mırnınsk aýdanynda orman órtine baılanysty tótenshe jaǵdaı rejımi engizilgen. Budan bólek, Verhoıan, Olekmınsk, Chýrapcha, Eveno-Bytantaı aýdandarynda jáne Jataı qalalyq okrýginde órtke qarsy sharalar qoldanysqa engizilgen.
Eske sala keteıik, Iаkýtııa Reseıdegi órt qaýpi joǵary óńirlerdiń biri bolyp sanalady. Avıaormanqorǵaý qyzmetiniń derekterine sáıkes, 2024 jyly respýblıkada tabıǵı órtterdiń jalpy aýmaǵy shamamen 3,25 mıllıon gektardy quraǵan. Sondaı-aq, Telegram-arnada jarııalanǵan málimet boıynsha, sońǵy táýlikte Reseıdiń toǵyz aımaǵynda 18 orman órtiniń taralýyna jol berilmeı, tolyq sóndirilgen. Qazirgi kezde jeti óńirde 37 órt oshaǵyn joıý jumystary jalǵasyp jatyr.
О́rtpen kúreske barlyǵy 1 406 qyzmetker, 114 tehnıka birligi jáne 17 áýe kemesi tartylǵan.
Jalpy eseppen, Reseıdiń tórt aımaǵynda tótenshe jaǵdaı rejımi jarııalansa, 58 aımaqta erekshe órtke qarsy tártip, al 87 aımaqta órt qaýpi jalǵasyp otyr.
