Otbasyna, jaqyn týystaryna sabyr bersin. Halyqtyń qabyrǵasy qaıysyp kóńil aıtýy ol kisilerdiń qaıǵysyn jeńildetsin.
Aıgúl Ahanbaıqyzy – bir otbasy-áýlettiń emes, eldiń eleýli perzenti edi. Ol ushqyr qalamymen de, adamshylyǵymen de, jeke ónegesimen de qazaqtyń qaısar qyzy qandaı bolatynyn dáleldep ótti. Jaman dert qansha dendese de, bes jyl boıy qalamyn qolynan tastamady. Qarlyǵashtyń qanatymen sý tasyǵanyndaı mádenıet, rýhanııat taqyrybyn zaman talabyna saı oqyrmanǵa úzilissiz jetkizýmen boldy.
Aıgúl Ahanbaıqyzy qalamgerlik qoltańbasy «Jetisý», «Jas alash», «Qazaq ádebıeti», «Aıqyn», «Halyq sózi», «Egemen Qazaqstan» gazetterinde máńgilikke qaldy. Ol ult basylymyndaǵy ózekti, saýatty, bilikti maqalalarymen ózi de ósti, qazaq jýrnalıstıkasyn da jańa deńgeıge kóterdi.
Osynaý qaraly kúnde asyl jaryna, ul-qyzyna, aǵaıynyna qaıǵyra kóńil aıta otyryp, qalyń eli, janashyr áriptesteri turǵanda marqum Aıgúl Ahanbaıqyzynyń isi de, izi de óshpeıdi degim keledi.
Marqumnyń aldy – peıish, sońy kenish bolsyn!
Aıda BALAEVA,
Mádenıet jáne aqparat mınıstri
