Kelisim aıasynda Japonııa Qazaqstanǵa ıadrolyq synaq qurbandaryna qoldaý kórsetý maqsatynda 7,4 mıllıon AQSh dollary kóleminde qaıtarymsyz grant bóledi.
Murat Nurtileýdiń aıtýynsha, eki el de ıadrolyq synaqtardyń qasiretin bastan ótkergendikten, búginde ıadrolyq qarýdan azat álem úshin tabandy kúresip keledi. Qazaqstan taraby japon áriptesiniń saparyna aıryqsha mán berip otyr. Bul kezdesý – bıyl 29 tamyzda Semeı polıgonynyń jabylǵanyna 34 jyl tolatyn tarıhı kún qarsańynda ótýimen de erekshe.
«Bıyl Hırosıma men Nagasakıge jasalǵan atom bombasy shabýylyna 80 jyl toldy. Al kelesi jyly Semeı synaq polıgony jabylǵanyna 35 jyl tolady», dedi Nurtileý.
Eske sala keteıik, buǵan deıin eki eldiń syrtqy ister mınıstrleri Astanada resmı kelissózder ótkizgen bolatyn.
