foto: Mereı Qaınaruly
Bıyl oblystan shamamen 800 jas ásker qataryna alynady. Naýqandy uıymdastyrý úshin 10 núktede áskerge shaqyrý jáne medısınalyq komıssııa jumys isteıdi. ShQO-dan shaqyrylǵan sarbazdar eldiń barlyq óńirlerinde qyzmet etedi.
«Áskerge shaqyrylýshylardy habardar etý úderisi birtindep sıfrlyq formatqa kóshirilip jatyr. Ol úshin shaqyrý pýnkterine kelý týraly eskertýler SMS jáne eGov portalynyń jeke kabıneti arqyly jiberiledi. Medısınalyq komıssııadan ádeıi jaltarǵan nemese kelmegen azamattarǵa ákimshilik jáne qylmystyq jaýapkershilik qarastyrylǵan. Iаǵnı, aıyppuldan bastap bir jylǵa deıin bas bostandyǵynan aıyrý jazasy qoldanylady» deıdi Qorǵanys isteri departamenti bastyǵynyń orynbasary Janıbek Saparov málimdedi.
Aıta keteıik, áskerge shaqyrylýshylarǵa qyzmet ýaqytyna «nesıe demalysy» beriledi. Eldiń 80-nen astam joǵary oqý ornymen jasalǵan kelisimderge sáıkes merzimdi áskerı qyzmetin abyroımen ótep, jaqsy nátıje kórsetken jastardy ýnıversıtetter qosymsha emtıhansyz tegin qabyldaıdy.
Áskerge bólýde bilim deńgeıi, biliktiligi, otbasylyq jaǵdaıy, densaýlyǵy jáne jeke qalaý-tilekteri eskeriledi.
Shyǵys Qazaqstan oblysy
