Atalǵan is-shara Qazaqstan Respýblıkasy Konstıtýsııasynyń 30 jyldyǵyna oraı arnaıy uıymdastyryldy. Ata zań – memleketimizdiń birligi men turaqtylyǵyn qamtamasyz etýshi negizgi qujat, qoǵam damýynyń basty kepili bolyp tabylady. Osy rette otaý qurǵandaryna 30 tyl tolǵan injý toı ıelerine saltanatty túrde neke kýáligi tabystaldy.
AHAT basqarmasynyń basshysy Aqbota Karnakbaeva erli-zaıyptylardy mereıtoıymen quttyqtaı kele, otbasy qundylyqtaryn saqtaýdyń mańyzdylyǵy jóninde atap ótti.
«Otbasy – qoǵamnyń irgetasy. Konstıtýsııanyń 30 jyldyǵy aıasynda biz taǵy da otbasylyq qundylyqtardyń memleket tiregi ekenine kóz jetkizdik. Sizderdiń baıandy ómir joldaryńyz jas urpaqqa árdaıym úlgi-ónege», dedi basqarma basshysy aqjarma tilegin arnap.
Aıta ketý kerek, jyl basynan bergi 7 aı ishinde Shymkent qalasynda 4 myńnan astam neke tirkeldi. A.Karnakbaevanyń málimdeýinshe, neke qııýǵa ótinimdi azamattar AHAT bólimderinde nemese ekinshi deńgeıli bankterdiń mobıldi qosymshalary arqyly onlaın formatta bere alady.
