– Halyqty turǵyn úımen qamtamasyz etý – memlekettik saıasattyń basym baǵyttarynyń biri, – dedi oblys ákimi Marat Ahmetjanov, – el Prezıdenti Qasym-Jomart Toqaevtyń tapsyrmasyna sáıkes, baspana eń aldymen muqtaj azamattarǵa berilýi kerek. Bólingen 371 páterdiń 261-in áleýmettik jaǵynan az qamtylǵan otbasylar jańa baǵdarlama aıasynda jekeshelendirý quqyǵymen jalǵa alsa, 110 otbasy nesıege baspana ala alady.
«Otbasy bank» AQ óńirlik fılıalynyń dırektory Almat Nurahmetovtiń aıtýynsha, pılottyq joba aıasynda tolyq ashyqtyq qaǵıdaty engizilýde.
–Bul bizdiń qala úshin eleýli oqıǵa. Jańa joba qala turǵyndarynyń áleýmettik-turmystyq jaǵdaıyn jaqsartýǵa septigin tıgizbek, – deıdi Qosshy qalasynyń turǵyny, qalalyq máslıhattyń depýtaty Irına Osıpova.
Sóz arasynda sońǵy eki jylda oblysta memlekettik qoldaý sharalary arqyly 4 787 otbasy baspanamen qamtylǵandyǵyn aıta ketelik. Bul sońǵy jeti jyldaǵy rekordtyq kórsetkish. Tek Qosshyda ǵana bıyl 560 otbasy turǵyn úımen qamtamasyz etiledi.
Aqmola oblysy,
Qosshy qalasy.
