Saltanatty jıyn barysynda oblystyq ádilet departamentiniń basshysy Álııa Amanjolova quttyqtaý sóz sóılep, Konstıtýsııa el táýelsizdiginiń, demokratııalyq ınstıtýttardyń jáne quqyqtyq memlekettiń berik negizi ekenin aıtty.
«Konstıtýsııa – adam quqyqtary men bostandyqtaryn eń joǵary qundylyq retinde aıqyndap bergen elimizdiń bas qujaty. О́tken otyz jyl ishinde elimizde bolyp jatqan ıgi ózgerister, Qazaqstannyń demokratııalyq, zaıyrly, quqyqtyq jáne áleýmettik memleket bolyp qalyptasýynyń bári – Konstıtýsııa qaǵıdalary negizinde iske asyrylyp keledi. Bıyl Ata zańymyz otyz jyldyq tarıhı belesti baǵyndyryp otyr. Osy jyldar ishinde damyp, jetilgen kemel Konstıtýsııamyz Qazaqstannyń qoǵamdyq jáne memlekettiń qurylymyn bekitip berdi», – dedi departament basshysy.
Jıyn barysynda Konstıtýsııanyń tarıhyn, mán-mańyzyn baıandaǵan arnaıy beınerolık kórsetildi. Odan keıin sóz qoǵam qaıratkeri, ardager zańger, Qazaqstan Konstıtýsııasyn ázirleýge tikeleı qatysqan Sergeı Jalybınge berildi. Tájirıbeli zańger kópshilikke Konstıtýsııany ázirleý barysyndaǵy tarıhı sátter týraly aıtyp berdi.
Merekelik is-shara aıasynda 16 jasqa tolǵan jasóspirimderge alǵash ret jeke kýálik tapsyrý rásimi ótti. Qujattaryn alǵan balalarǵa Ádilet departamentiniń basshysy izgi tilegin bildirip, bul sáttiń azamattyq jaýapkershiliktiń bastaýy ekenin atap ótti.
Is-sharanyń sońynda Ádilet departamentiniń basshysy Álııa Amanjolova qazirgi sıfrlyq zańnamalyq reformalarǵa keńirek toqtalyp, elektrondy servıster men onlaın-quqyqtyq kómek tetikteri týraly baıandady.
Qostanaı oblysy
