Jıynǵa ýnıversıtet prorektory Aqylbek Sultanov, BQO qoǵamdyq damý basqarmasy basshysynyń orynbasary Gúljanar Shókeeva, professor-oqytýshylar quramy jáne stýdentter qatysty.
- Bul kún – barsha qazaqstandyqtyń quqyǵy men bostandyǵyn, birligi men tatýlyǵyn arqaý etken mańyzdy mereke. Osydan otyz jyl buryn qabyldanǵan Konstıtýsııa táýelsiz Otanymyzdyń zaıyrly, quqyqtyq jáne birtutas memleket retindegi negizin qalaǵany barshaǵa málim. Memleket Basshysy Qasym-Jomart Toqaev «Ata Zań – memlekettiligimizdiń berik tuǵyry, elimizdiń dáıekti ári turaqty damýynyń myzǵymas kepili» dep atap aıtqan bolatyn. Basty qujatta ulttar dostyǵy, qoǵamdyq jáne rýhanı kelisim, saıası turaqtylyq syndy erekshe qundylyqtar aıqyn kórinis tapqan, – dedi ýnıversıtettiń tárbıe jáne áleýmettik jumystar jónindegi prorektory Aqylbek Uzaqbaıuly.
Ata Zańdy ardaqtaýǵa arnalǵan jıynda BQO qoǵamdyq damý basqarmasy basshysynyń orynbasary Gúljanar Bolatqyzy, Jáńgir han atyndaǵy tarıhı-etnografııalyq mýzeıdiń meńgerýshisi, magıstr Meıram Ospanov, aǵa oqytýshy Ǵalııa Sarqulova, aǵa oqytýshy, fılosofııa doktory (PhD) Maqsot Janǵojıevter sóz sóılep, Konstıtýsııanyń tarıhı qalyptasý kezeńderine, damý baǵyttaryna, sońǵy jyldary engizilgen ózgerister men tolyqtyrýlar týraly aıtty.
Batys Qazaqstan oblysy
