Qatysýshylar Qazaqstanda IT-salany damytýdyń negizgi máselelerin, ónerkásiptegi sıfrlandyrý men B2B-sheshimderden bastap venchýrlik qarjylandyrý jáne qarjy sektorymen yntymaqtastyq perspektıvalaryna talqylady.
Jeke talqylaý Aitu messendjerine arnaldy. Servıs messendjerdiń, áleýmettik jeliniń, beıne jáne mýzykalyq platformalardyń, tólem júıesiniń jáne shaǵyn qosymshalardyń fýnksııalaryn biriktiredi. Qazir onyń aı saıynǵy aýdıtorııasy 500 myńǵa jýyq paıdalanýshy, al júkteýlerdiń jalpy sany 6 mıllıonnan asty.
«Aitu, eGov, eGov Business, eOtinish servısteri men aqparattyq júıeleri úshin nóldik tarıfteýdi qoldaný mobıldik shottaǵy nóldik nemese teris balansta azamattarǵa memlekettik resýrstarǵa kepildi qoljetimdilikti qamtamasyz etedi. Mundaı qadam halyqqa qyzmet kórsetý ortalyqtaryna túsetin júktemeni aıtarlyqtaı azaıtýǵa múmkindik beredi jáne digital by default formatyna kóshýdiń mańyzdy kezeńi bolady», dep habarlady QR Úkimetiniń baspasóz qyzmeti.
Aitu SuperApp qosymshasy áleýmettik jeliler men jasandy ıntellektini baılanystyrady. Platformada onlaın tólem jasaý, ózge de qosymshalardy qoldaný múmkindigi bar.
Sıfrlyq shtabtyń sheshimimen:
-
bıylǵy jylǵy 15 qyrkúıekten bastap Aitu, eGov, eGov Business, eOtinish servısteri men aqparattyq júıelerine qoljetimdilikti qamtamasyz etý úshin nóldik tarıfteýdi qoldanýdy iske qosý;
-
bıylǵy jylǵy 20 qyrkúıekke deıin kommersııalyq IT-sheshimderdi Smart Bridge platformasyndaǵy servıstermen kedergisiz ıntegrasııalaý múmkindigin qamtamasyz etý;
-
IT-sheshimderdiń shekti quny jónindegi talaptardy alyp tastaı otyryp, Qaztech platformasynda iri jobalardy iske asyrý úshin tıisti quqyqtyq aktilerge ózgerister engizý;
-
bıylǵy jyldyń sońyna deıin jasandy ıntellektti qoldana otyryp, memlekettik kórsetiletin qyzmetterdi sıfrlandyrýdy qamtamasyz etsin.
Aitu, eGov, eGov Business, eOtinish servısteri men aqparattyq júıeleri úshin nóldik tarıfteýdi qoldaný mobıldik shottaǵy nóldik nemese teris balansta azamattarǵa memlekettik resýrstarǵa kepildi qoljetimdilikti qamtamasyz etedi. Mundaı qadam halyqqa qyzmet kórsetý ortalyqtaryna júktemeni aıtarlyqtaı azaıtýǵa múmkindik beredi jáne digital by default formatyna kóshýdegi mańyzdy kezeń bolady.
Naryqqa Aitu, eOtinish, Jedel tólem júıesi, Digital ID, Áleýmettik ámııan jáne t.b. sııaqty tanymal ónimderdi shyǵarǵan BTS Digital kompanııasy qazir qyzyqty transformasııany bastan keshýde. Kompanııa basshysy Nurtaı Ábilǵalıevtiń aıtýynsha, BTS Digital 2018 jyly qurylǵan.
«Biz adamdardyń ómirin jaqsartatyn sıfrlyq sheshimder jasaýdy ózimizdiń mindetimiz dep sanaımyz. Bul qandaı da bir jobamen jumysty bastaǵanda nazar aýdaratyn negizgi kórsetkishterdiń biri. Biz tek kommersııalyq tabysty ǵana emes, paıdaly bolǵymyz keledi» deıdi Nurtaı Ábilǵalıev.
Bul rette ol BTS Digital - memlekettik emes, jeke menshik kompanııa ekenin basa aıtady. Áńgimelesýshi atap ótkendeı, úkimetpen sıfrlyq memlekettik qyzmetterdi usyný boıynsha servısterdi qurý túrindegi yntymaqtastyq - bul jeke kompanııa men memlekettiń ádettegi ózara is-qımyly.
«Biz naryqtyń barlyq qatysýshylary sııaqty memleket qandaı da bir jobalardy qurýǵa jáne damytýǵa bastamashy bolǵan kezde óz qyzmetterimizdi usynamyz. Baıqaýlarǵa qatysyp, tusaýkeserler ótkizemiz. Bizdiń kúshti jaǵymyz - ol qurylǵan sátten bastap qoǵamǵa paıdaly bolǵymyz keledi. Memleket iri tapsyrys berýshi jáne klıent bolyp tabylady, biraq, qaıtalap aıtamyn, úkimet bizdiń kontragentterimizdiń biri ǵana bolyp tabylady. Biz bıznespen de belsendi ózara is-qımyl jasaımyz. Mysaly, birneshe jyl buryn biz korporatıvtik klıentter úshin Aitu Passport qyzmetin iske qostyq. Bul quraldy birneshe qazaqstandyq bankter, qarjylyq-tehnıkalyq platformalar paıdalanady, olar azamattyń jeke basyn onlaın-tekserýdi qajet etedi. Bul qyzmet búginde suranysqa ıe jáne bizdiń portfeldegi negizgi ónimderdiń biri bolyp tabylady», dep atap ótti Nurtaı Ábilǵalıev.
Úkimet barlyq memlekettik qyzmetkerlerdi, onyń ishinde dárigerler men pedagogtardy, sondaı-aq stýdentter men oqýshylardy Aitu-ǵa aýystyrýdy josparlap otyr ma degen suraqqa kompanııa basshysy buǵan jaýap berýdiń kezi kelmegenin aıtty.
«Aitu tek memlekettik organdardyń qyzmetkerlerin ǵana emes, barlyq nıet bildirýshilerdi qabyldaýǵa daıyn ekenine sendire alamyn. Biz memlekettik qyzmetshilerdiń kommýnıkasııasynyń quraly bolǵymyz kelmeıdi. Bizdiń josparymyz áldeqaıda keń - biz qazir barlyq sanattaǵy azamattar arasynda tanymal bolatyn tuǵyrnamaǵa aınalý úshin bárin jasaýdamyz. Onyń ústine, biz tek óz elimizben shektelgimiz kelmeıdi - biz sheteldik naryqtarǵa da shyqqymyz keledi. Onyń ústine, bizdiń bilýimizshe, Ortalyq Azııa óńiri men Kavkazda bizdikine uqsas jeke platformalar joq. Biz barlyǵymen yntymaqtasýǵa daıynbyz», deıdi Nurtaı Ábilǵalıev.
